The Definitive Guide to Living in the Capital , Cairo , Egypt

فى العقود الحديثة، القاهرة يمكن تكون تنازلت عن لقبها لبيروت كأكبر قوة نشر للكتب، لكن بيع وشراء الكتب لسه بيزيد فى العاصمة.

زيارة لبائعي الكتب فى الأزبكية الموجودة فى سوق العتبة هتقدم لك لمحات مستمرة عن ماضى القاهرة الثقافى والأدبى. 

بالقرب من محطة مترو العتبة، ومسرح العرائس والمسرح القومي هتلاقى أحسن أرشيف عتيق لعشاق الكتب المستعملة فى القاهرة منتشر فى أكتر من 130 كشك موزعين فى صفوف ضيقة. وكل كشك فيهم له شخصيته المستقلة وبائع مختلف تتكلم معاه.

بغض النظر عن البائع اللى تختاره، أكشاك الكتب مليانة مجموعات جديدة وقديمة من الموسوعات، وكتب دينية، وكتب إرشادات وقصص مثيرة، وكمان مجلدات كلاسيكية زى كتاب جون ميلتون “الفردوس المفقود”، وكمان كتب دراسية كإصدار ضخم من الكتاب الطبى المهم Nelson’s Textbook to Pediatrics. فى الأساس أكثر ناس بيحبوا أكشاك الأزبكية هم الأطباء، والمهندسين، والطلاب اللى بيدوروا على كتاب معين لأن أسعارهم بتبقى أقل يمكن حوالى 10 مرات عن محلات الكتب المعروفة أو عن طريق الإنترنت.

لما تروح هناك هتشوف مفاجئة أن الشغل ماشى كويس، ورغم أننا فى عصر الإنترنت واستخدام الكتب الإلكترونية والمواقع اللى ممكن تقرأ منها وتدفع من بطاقتك الائتمانية، وده أكيد بيهدد مهنة بيع الكتب، لكن فيه عدد مش قليل لسة بيحب الكتب المطبوعة أصل ما تقدرش تنكر متعة إحساس أنك تمسك كتاب ورق بإيديك وتعيش مع الرواية وأنت بتقلبها صفحة بعد صفحة لغاية ما توصل للنهاية.

لكن لناس ثانيين، شكل محلات الكتب المستعملة بيفكرهم بمحلات الأنتيكات. الكتب ممكن كمان تكون أداة ديكور. مجموعة كبيرة من الكافيهات فى القاهرة بتعرض مجموعة من الكتب المختلفة القديمة لإضافة لمسة منزلية على المكان.

مع وجود بعض الكتب اليونانية والفرنسية أو حتى الألمانية، الكتب الموجودة فى الأزبكية غالبًا عربى أو إنجليزى. الأكشاك نفسها غالبًا غير منظمة، والكتب فى أغلب الأكشاك تنظيمها سيء. لكن هو مش ده جزء من متعة الموضوع؟ الزبائن مضطرين يدوّروا وسط أكوام من الكتب والمجلدات بعضها يرجع للعصر الكوزموبوليتاني. البحث وسط الكتب ممكن يأخذ من وقتك ساعات، ولحسن الحظ أن الأكشاك فاتحة من 10 صباحًا لـ 10 مساءً كل يوم ماعدا الجمعة.

لكن خلى بالك، لأن زى ما فيه كتب أصلية موجودة بأسعار رخيصة، كمان بعض الكتب بتبقى نسخ رخيصة وعليها ختم مش واضح وأغلفة تشبه الأصلية. علشان كده الحكم من الغلاف غلط، لازم تفتح الكتاب وتبص فيه. وطبعًا لازن تفاصل علشان تحصل على الكتاب بأحسن سعر.

بعيدًا عن الكتب، والمجلّات القديمة وبوسترات الأفلام القديمة، تقدر تلاقى كمان في سور الأزبكية كروت وبطاقات تذكارية ينفعوا كهدايا وتذكارات.