The Definitive Guide to Living in the Capital , Cairo , Egypt

لو بتدور على الروقان وراحة البال والسعادة والسلام النفسي لازم تاكل شيكولاتة، لأن الشيكولاتة هي الارتباط المتكامل للسعادة، وأنواع الشيكولاتة كتير المحلي اللي جودته على قد سعره والمستورد اللي سعره بقى غالي زيادة عن اللزوم، وفي النص كده ظهرت حاجة مميزة جدًا قلبت السوشيال ميديا، وهي شيكولاتة Despacito، واللي بقى لها شنة ورنة في السوق خلال أيام، وعلشان إحنا بنحب كل حاجة حلوة قررنا نجربها ونقول لكم رأينا اللي هتلاقوه في السطور اللي جاية.

شيكولاتة Despacito هي صناعة محلية بخامات عالمية مستوردة، وبجودة عالية جدًا، وسعر في متناول الجميع، ومتوفرة بـ20 طعم مختلف، ولها حجمين؛ البار العادي اللي سعره 30 جنيه، والعلبة المشكلة اللي سعرها 110 جنيه وتقدروا تنقوا الأطعمة المناسبة في كل علبة اللي بتنزل بـ5 تشكيلات مختلفة.

الشيكولاتة دي من إنتاج شركة مصرية، وفيه منها شيكولاته بيضاء وعادية ومختلطة ودارك بداية من 50% حتى 99%، وبصراحة إحنا جربنا من عندهم معظم الأنواع، وخلينا نقول إننا انبهرنا بالطعم والتغليف والشكل والحشو، كل حاجة فيها مظبوطة زي ما الكتاب بيقول، ولكن في البار اللي كان سعره 30 جنيه، الشيكولاتة الدارك كانت لما نقسمها بتعلم في إيدينا ودي حاجة للأسف محتاجة تتظبط في المرات اللي جاية.

الأطعمة اللي موجودة عندهم “إسبريسو – دارك 70% – دارك 99% – شيكولاتة بيضاء – زبيب وأرز أبيض – بسكويت كراميل – قرفة – دارك نعناع – دارك برتقال – دارك 85% – جوز أبيض – لوز – برتقال ولوز – بندق – بسكوي أبيض – بوريو” وغيرهم من الأطعمة واللي طول الوقت بيجددوا ويطوروا فيها.

أماكن بيع منتجات شيكولاتة Despacito مش كتير في القاهرة للأسف، لكن هتلاقوها أكيد ففي كل فروع محلات مشمش تاجر السعادة واللي تقدروا تعرفوا اكتر عن فروعهم من هنا.