The Definitive Guide to Living in the Capital , Cairo , Egypt

رنا شرف

لو اتربيت في الخليج، أو حتى قضيت هناك كام سنة من طفولتك، أكيد فيه حاجات معينة اشتريتها من هناك في طفولتك وطعمها مش ممكن يتنسى! ريحة البقالة، شكل الشوكولاتة، كيس الشيبسي اللي كنت بتتمنى ما يخلصش بسرعة، وحتى نكهة البهارات اللي كانت في أكل البيت.. كلها تفاصيل صغيرة بس ليها مكان كبير في القلب.

ومن هنا، جت فكرة “تموينات الذكريات”، وهو مكان مخصوص للّي اتربوا في الخليج وراجعوا مصر، بس قلبهم لسه هناك.

المكان ده مش مجرد محل، ده كأنك دخلت بآلة زمن للماضي. من أول بسكويت “أبو ولد”، لغاية بطاطس عُمان، والشوكولاتات اللي كنت بتشتريها من محلات دول خليجية زمان، والبهارات اللي كانت بتخلي الأكل ليه نكهة مش ممكن تتنسى.

 حتى وجبات البيك السعودية المشهورة، هتلاقيها هناك! وغيرها كتير من منتجات زمان اللي صعب تلاقيها بسهولة في مصر.

 الحلو كمان إنك تقدر تطلب أونلاين من خلال إنستجرام أو الموقع الرسمي، والتوصيل في نفس اليوم!

فيه ناس ممكن تستغرب إنه يكون لنا “ذكريات” مع المنتجات، بس الحقيقة إن شوكولاتة كنت بتحبها زمان، أو ريحة توابل معينة، ممكن ترجّعك لذكريات مدفونة بقالها سنين.

لو نفسك ترجع تعيش لحظة من زمان، روح جرّب، يمكن تلاقي قطعة من الطفولة مستنياك على رف من رفوف “تموينات الذكريات”.

العنوان: ٣٨ قسم أول – القاهرة الجديدة.

 رقم التليفون: 01550605271.

وتقدروا تتابعوهم على فيسبوك من هنا، وعلى إنستجرام من هنا.