بالأسعار والصور.. أجمل 5 منتجات قاهرية جدًا من إبداع “كايروبوليتان”
ديكورات القاهرة كايروبولييتان منتجات بتعبر عن القاهرة
Mohamed Talaat
القاهرة هي مدينتنا المفضلة، وبنعشق كل تفاصيلها ولنا فيها ذكريات وقصص وحكايات وروحنا متعلقة بها مهما لفينا حول العالم، وده مش علشان الصخب بتاعها ولا علشان انها “المدينة التي لا تنام” ولكن علشان القاهرة حالة خاصة جدًا صعب حد يفهمها. وكل تفصيلة في القاهرة لها معنى وفكرة وذكرى عندنا، وعلشان كده النهاردة هنقول لكم على 5 منتجات مميزة بتعبر عن مدينة القاهرة تقدروا تشتروها من “كايروبوليتان”، وهو مكان أقرب لمعرض فني بيقدم تصميمات فنية بتوثق تفاصيل الحياة في القاهرة.
كوستر
أجمل حاجة بتعبر عن القاهرة هي الطوابع البريدية، وتقدروا تشتروا كوسترات على شكل طابع بريد عليه أشكال مختلفة من القاهرة، وسعره 400 جنيه.
تقدروا تشرتوا الكوستر من هنا.
براية
براية القلم الرصاص أصبحت أبداعية أكثر ومختلفة ومبهجة، لأنهم عاملينها على شكل مسجد أحمد بن طولون الشهير، وسعرها 330 جنيه.
تقدروا تشتروا البراية من هنا.
بوكليت
محبي الكتابة والرسم يقدروا يستمتعوا ببوكليت القاهرة المطبوع بحرفية وبشكل مميز وسعره 320 جنيه.
تقدروا تشتروا البوكليت من هنا.
ديكور مكتب
ميدان التحرير من أهم المناطق اللي بتعبر عن مدينتنا، وده لأنه قلب القاهرة، و”كايروبوليتان” وفروا الميدان كقطعة ديكور متميزة بسعر يبدأ من 590 جنيه.
تقدروا تشتروا ديكور ميدان التحرير من هنا.
سجادة
وتقدروا تشتروا سجادة أرض على هيئة لوحة عربية مكتوب عليها “أجرة القاهرة”، ومساحتها 140*90 وسعرها 7900 جنيه.
تقدروا تشتروا سجادة أجرة القاهرة من هنا.
مقترح
فن وثقافة
شبابيك بتطل على القاهرة.. مشروع فني لتوثيق ملامح العاصمة وقت الغروب
Frames of Cairo القاهرة +4
الحياة في كايرو
