The Definitive Guide to Living in the Capital , Cairo , Egypt

على شارع جانبى قريب من كنيسة سانت مارى سهل يفوتك مكان “الفنى”، علشان كده ركز على شعار رولاند غير الواضح فوق عمارة على شارع بن الحجار العسقلانى واضغط على الجرس المكتوب عليه “Roland 1”.

المحل واضح أنه مستهدف أكثر من جهة: ستوديوهات الموسيقى ومنظمي المناسبات أكثر من الزبائن العاديين، وعلشان كده كان طبيعى أن الموضوع للأعضاء فقط، واحتفاظه بالسر يكون منطقى. مكبرات الصوت المرصوصة على الحوائط لارتفاع عالى بـ تضفى إحساس أنك فى مخزن أو عند تاجر جملة أكثر من كونه محل أدوات موسيقية.

تقدر تلاقى سماعات، مضخمات صوت إلكترونية ومكبرات صوت تبدأ من مزايا بسيطة لغاية إمكانيات مش مفهومة أصلاً؛ اختار من بين المايكروفونات التقليدية، مجموعة Roland المبهجة والرخيصة فى نفس الوقت أو من مجموعة Rodes المبتكرة بأسعار بين 600: 3300 جنيه، متوفر منهم مايكروفونات للستوديو، سلكية أو لاسلكية. استكشف فى قسم أجهزة الستوديوهات وهـ تلاقى مجموعة مدهشة من سماعات الأذن (390: 1350 جنيه) وجهاز مزج موسيقى (ميكسر) هـ يكلفك على الأقل 15000 جنيه. المعروضات بوجه عام مافيش عليها بطاقة سعر، والأسعار قابلة للتفاوض بالنسبة للقطع الكبيرة خصوصًا لو كنت بـ تشترى كميات.

الجزء المخصص للأدوات الموسيقية صغير شوية. طريقة عرض الجيتارات كانت ضعيفة، مع حوالى ثلاثة أو أربعة من جيتارات LTD و ESP الكهربية بأسعار تتراوح بين 1000: 3500 جنيه، وجيتار باص بأربعة، خمسة وستة أوتار سعرهم بين 1500: 4000 جنيه. مجموعة جيتارات كلاسيكية تبدأ من جيتار بسيط بأوتار من النايلون للمبتدئين (340 جنيه)، وصولاً لموديلات أنيقة كلاسيكية ومن المعدن (980: 2000جنيه). سبب العرض المحدود أن الفنى متعاقد مع ESP، اسأل على كتالوج ESP واطلب الستايل اللى على مزاجك من المحل.

تشكيلة كبيرة من الجيتارات ومضخمات الصوت بموديلات منها Vox، Crate، Cube، Blackstar، Roland و Wharfedale، الأحجام تبدأ من حجم اليد لغاية حجم عملاق، والأسعار 950 جنيه بالنسبة لـ Vox Microcube، لغاية 7800 جنيه لموديل GA-212 رائع من Roland. تقدر كمان تلاقى إكسسوارات، على سبيل المثال وليس الحصر، loop pedals Boss، أداة تحكم drum triggers  من Roland وخزينة مليانة pedals للمؤثرات الصوتية. معروض عندهم طقم درامز drum-kit واحد كهربى أنيق سعره عالى جدًا (22.000 جنيه)؛ غير كده، تقدر تلاقى حاجات أكثر على موقع الفنى.

عدد من أجهزة الأرغن والبيانو هم أبرز ما فى المحل، ورغم أن مافيش موديلات رخيصة للمبتدئين، تقدر تلاقى كل شئ بداية من واحد بسيط لكن فى نفس الوقت جودته عالية ماركة Roland موديل E-09 ثمنه 4250 جنيه، لغاية موديلات Korg معاها كل الملحقات سعرهم يتراوح بين 7000: 10000 جنيه، وأشكال رائعة مهيبة وأصواتها رائعة من Kurzweil بسعر 35000 جنيه وأكثر من كده كمان!

لو أنت فعلاً عارف هدفك، أو عاوز حاجة معينة بس محتار، أو معاك قرشين عاوز تصرفهم، الفنى هو المكان المناسب. مع أن موقعهم الرسمى بـ يقدم مجموعة أفضل من الأدوات الموسيقية، فأى عاشق للموسيقى من السهل يتوه وسط العدد المهول فى المحل المكافئ لـ “تويز آر أص” بالنسبة للأطفال. على العموم، لو كنت مبتدئ، أو بـ تدور على حاجة أبسط، المخاطر بـ تزيد كل ما تعمقت داخل المحل.