The Definitive Guide to Living in the Capital , Cairo , Egypt

قبل كده كنا بنشيل منيوز كتيرة للمطاعم المحيطة بينا، علشان لما نحب نطلب نقدر نوصل لهم بسرعة. لكن دلوقتي الموضوع بقى أسهل، مع تطبيقات كتير بتوفر لك الخدمة دي بدون تعب. دول أهم 5 تطبيقات لطلب الأكل والشرب هيوفروا وقتك ومجهودك:

1- Uber Eats

الأشهر على الاطلاق. حاليًا بيغطي أماكن كتيرة داخل القاهرة، ووصل المنصورة كمان. بيتميز إنه أسرع دليفري. وتقدر من خلاله تحدد منطقتك، ويجيب لك كل المطاعم اللي ممكن توصل لك الأوردر.

وتقدر تاخد خصم 50 جنيه كحد أقصى لأول طلبين منهم. من خلال كود EATSFEB50. وكمان عندهم عروض كتير مميزة كل فترة.

متاح لأندرويد من هنا، وIOS من هنا.

2- Otlob

هو أقدم تطبيق في مصر. تقدر تطلب أي أكل في المنطقة المحيطة بك، أو مطاعم بتوصل لمنطقتك. وكمان هتاخد خصومات لو انت عميل جديد. ده غير عروض خاصة بهم لبعض المطاعم كل فترة.

متاح لأندرويد من هنا، وIOS من هنا.

3- Elmenus

في الأول كان موقع لعرض قوائم المطاعم، علشان تبقى عارف مين بيبيع إيه. لكن دلوقتي عمل تطبيق لطلب الطعام. لسه مش بيغطي كل حتة، ولازم تتأكد دايمًا أن الخدمة موجودة في. ومعندهمش دليفري خاص بهم. متنساش لما تطلب أول مرة تدخل برومو كود First50. هيديك خصم 50 جنيه على أي أوردر من 100 جنيه وطالع.

متاح لأندرويد من هنا، وIOS من هنا.

4- Glovo

جلوفو تطبيق صديق للبيئة، التوصيل عندهم بيعتمد بشكل كبير على الدراجات. متواجدين في مناطق (المعادي – مدينة نصر – الزمالك – وسط البلد – الدقي – المهندسين – الهرم). وبيتوسعوا كل يوم في مناطق مختلفة. المميز إن غير الأكل، تقدر تطلب حاجات من السوبر ماركت أو الصيدلية، وكمان محلات العصائر. لو انت بتطلب منهم أول مرة هيكون التوصيل ببلاش. وكل فترة بينزلوا عروض مميزة مع مطاعم وكافيهات كبيرة.

متاح لأندرويد من هنا، وIOS من هنا.

5- AKelni

من أفضل التطبيقات اللي موجودة حاليًا، مفيش رسوم إضافية على خدمة التوصيل اللي بيحددها المطعم. صحيح هو مش سريع قوي، بس بينجز لأن قائمة المطاعم فيه كبيرة، وتقريبًا بيعتمد على المطاعم الشعبية بشكل أقوى من المطاعم اللي اسمها كبير. لكن يعيبه أنه قليل العروض، وكمان الشكاوي من أن العروض وهمية كتيرة جدًا.

متاح لأندرويد من هنا، وIOS من هنا.