The Definitive Guide to Living in the Capital , Cairo , Egypt

كتب المتنبي في مطلع إحدى قصائده: “لعينيك ما يلقى الفؤاد وما لقى، وللحب ما لم يبقى مني وما بقى، وما كنت ممن يدخل العشق قلبه، ولكن من يبصر جفونك يعشق”، فالحب هو ما يجعلنا نعيش حياة نرتضى بوجودها، فلولا الحب بكل أنواعه ما كان هناك بشر، وللحب عيد سمي “فالنتاين”، نسبة لقديس كان يعيش في روما، وتخصص في زواج العاشقين المسيحيين مخالفًا أوامر الإمبراطور كلاوديوس الثاني بمنع الزواج حتى لا يتهرب الشباب من الخدمة العسكرية، وسجن وأمر بإعدامه، وأثناء سجنه وقع في غرام ابنة السجان، ويوم إعدامه يوم 14 فبراير أرسل لها رسالة حب موقعة منه، ومن هنا بدأت تظهر فكرة اهداء كروت عيد الحب كل عام بين الأحبة، ومع تطور الزمن أصبح عيد الحب حاجة مميزة وخاصة جدًا وفيها خروجات وترتيبات وحاجات كتير، وعلشان كده النهاردة هنقولكم على 5 أماكن رومانسية تقدروا تحتفلوا فيها بعيد الحب.

Backyard Entertainment Lounge

التميز موجود في المكان الجميل ده، وتقدروا تحجزوا خيمة رومانسية ومعاها هتتفرجوا على فيلم وانتوا بتتعشوا، بأسعار تبدأ من 2250 جنيه، وكمان عندهم حاجات كتير مميزة زي الزينة على شكل قلب وكلمة أحبك وبالونات وغيرها من الخدمات المميزة ليوم عيد الحب، وكمان طول الوقت هتسمعوا موسيقى رومانسية.

العنوان: جمعية أحمد عرابي – العبور

رقم التليفون: 01227879444

تقدروا تعرفوا أكتر عنهم من خلال صفحة الفيسبوك من هنا.

River spot

عاملين رحلة مميزة للمحبين في قلب نهر النيل وبتكون لمدة ساعتين شاملة العشاء وديكور الفلنتاين والرحلة دي مخصصة للكابلز وممنوع اصطحاب الأطفال، يعني هتفصلوا تمامًا، وسعر الرحلة 1400 جنيه، ده غير أنكم تقدروا تطلبوا خدمات كتير مرتبطة بعيد الحب من خلالهم بأسعار مختلفة.

العنوان: 66 كورنيش المعادي – أمام أبراج عثمان.

رقم التليفون: 01067005234

تقدروا تعرفوا أكتر عنهم من خلال صفحة الفيسبوك من هنا.

Rooftop 7000

ولو انتوا كابلز بتعشقوا التاريخ الفرعوني فالمكان ده الأنسب لكم، هتقدروا تستمتعوا بفيو الأهرامات من خلاله وكمان هتستمعوا بيوم رومانسي مع عزف ساكسفون وكامنجا مع زينة عيد الحب ومصور، وتقدروا تطلبوا اللي عاوزينه وتدفعوا حسابه بس وفيه حد أدنى للطلبات 500 جنيه للفرد.

العنوان: 14 شارع أبو الهول السياحي – أمام بوابة الصوت والضوء

رقم التليفون: 01121298123

تقدروا تعرفوا أكتر عنهم من خلال صفحة الفيسبوك من هنا.

Aspero Restaurant

المكان الفيو بتاعه حكاية على النيل، فتخيلوا بديكور عيد الحب هيكون عامل إزاي!، وهما عاملين يوم مميز هيبدأ بـDJ وبعدها هيكون فيه باند “نوتة سرية”، مع عشاء للكابلز بديكور عيد الحب وهتكون التكلفة 1200 جنيه للسيت منيو.

العنوان: 133 شارع النيل – الجيزة.

رقم التليفون: 01022226265

تقدروا تعرفوا أكتر عنهم من خلال صفحة الفيسبوك من هنا.

Nile Gate

مركب متحركة في النيل هتاخد الكابلز في رحلة وسط الورود والشموع لمدة ساعتين للاحتفال بعيد الحب وهيكون معاها عشاء وحلو ومشروب بسعر 1300 جنيه للفردين، ونتمنى أنكم تستمتعوا بالأجواء الموسيقية مع عازف فردي لكل كابلز موجودين في الرحلة.

العنوان: 123 شارع عبد العزيز آل سعود – داخل West bank.

رقم التليفون: 0103507777

تقدروا تعرفوا أكتر عنهم من خلال صفحة الفيسبوك من هنا.