The Definitive Guide to Living in the Capital , Cairo , Egypt

الألعاب في القاهرة مؤخرًا بقت تاخد شكل مختلف، خصوصًا خروجات عشاق المغامرة والإثارة، ولو كنت بتحب الروايات وأفلام الرعب، يبقى لازم تعيش تجربة مرعبة جدًا في أحدث ييت رعب في القاهرة، وهو  The Dark house، اللي بيعد أكبر بيت رعب في العاصمة المصرية، وخليك فاكر أنك مش هتعرف تخرج منه غير بعد معاناة، ولو قلبك جامد يبقى كمل قراءة علشان تتعرف على كل التفاصيل في السطور الجاية.

داخل Dark house  هتعيشوا أحداث مرعبة لمدة 90 دقيقة أبطالها أنتم، وهتدخلوا جوا بيت مخصص مصمم بشكل مختلف هينقلكم لعالم تاني لازم تحلوا فيه كل الألغاز اللي هتكون موجودة، وتقدروا تختاروا بين 4 بيوت مختلفة وكل بيت له تفاصيل مختلفة عن التاني وفيهم قصة وحواديت وألغاز متنوعة.

البيت الأول “علي القصاص” اللي هتدخلوا جوا لعنة قرية بني مزار عشان تعرفوا تفاصيل الحادثة اللي اتسببت في اللعنة دي وإزاي تلاقوا فريدة اللي هتخرجكم من المكان ولو مالقيتوهاش مش هتخرجوا طول حياتكم من اللعنة، والبيت التاني هو “Lupine” وده المقر الرسمي لعالم الأرواح اللي بتسيطر على كل اللي بيدخلها وطبعًا لو اللغز ماتحلش مش هتخرجوا من البيت.

فيه كمان “قبر حمدان” اللي هيعرفكم معنى “الغايب مسيره يوم ويعود” ويا تخرجوا منها يا يبقى مصيركم زي حمدان في المقبرة، أما البيت الرابع هو ” The Nun” واللي فيه هتكونوا بطل فيلكم المفضل لمدة 60 دقيقة وهتدخلوا في تحدي بشكل مباشر مع The Nun .

الحجز داخل The Dark House بيكون أقل عدد 5 أشخاص، ومواعيدهم من 2 الظهر لـ2 صباحًا، وسعر الفرد 400 جنيه، وهما دايمًا بيعملوا عروض على التيكتس وخصومات.

العنوان: 92 حسن المأمون، المنطقة السادسة، مدينة نصر.

رقم التليفون: 01030959882.

تقدروا تعرفوا أكتر عنهم من خلال صفحة الفيسبوك من هنا.