The Definitive Guide to Living in the Capital , Cairo , Egypt

مافيش حدمايحبش يخوض تجربة الدخول في لعبة علشان يحس أنها حقيقة مش مجرد لعبة! ودلوقتي اللعب بنظارات الواقع الافتراضي أصبح حقيقة وسهل، ومن الأماكن المميزة في القاهرة، مكان اسمه Immersive VR واللي هيخليكم تعيشوا تجربة لعب مختلفة في واقع افتراضي بتفاصيل التفاصيل، وعلشان الخروجة دي ماتتفوتش قررنا نقولكم على كل تفاصيلها اللي هتخليكم تعيشوا تجربة لعب مختلفة تمامًا.

Immersive VR هو مركز ألعاب بالواقع الإفتراضي وعندهم أكثر من 100 لعبة مختلفة تقدروا تلعبوها، سواء كنتم مجموعة أو حتى كنت فرد واحد، والميزة فيها أنكم هتكونوا بخيالكم وجسمكم جوا اللعبة اللي هتختاروها، يعني هتتحركوا وتمشوا في الواقع الافتراضي، وعندهم ألعاب زي ( Adventure – Sports – Horror – Action – Cinematic – Experience)  والألعاب دايمًا عندهم متجددة أسبوعيًا، ده غير مجموعة ألعاب مناسبة للأطفال.

كمان عندهم أكتر من 20 لعبة مالتي تلعبوا بيها مع أصحابكم سواء معاهم أو ضدهم.

أما أسعارهم فبتكون بالوقت مش باللعبة يعني ممكن تلعبوا أكتر من لعبة في الوقت بتاعكم، وكل ما بيزيد عدد الأشخاص الحاجزين بيقل السعر، يعني لو فرد واحد حجز بيكون السعر 175 جنيه لمدة 30 دقيقة، و260 جنيه لمدة ساعة كاملة، أما لو أنتم 4 أفراد فسعر 30 دقيقة 155 جنيه والساعة 230 جنيه للفرد، ولو عددكم 8 أفراد الـ30 دقيقة هيوصل سعرها 120 جنيه والساعة 165 جنيه، ده غير أنهم بيعملوا عروض حلوة بتوصل أنكم تاخدوا ضعف الوقت اللي بتحجزوه، وهما بيشتغلوا يوميًا من 2 ظهرًا حتى 12 منتصف الليل، وفي الويك إند بيستمروا لـ1 صباحًا، ومتاح تروحوا من غير حجز ولكن يفضل الحجز قبلها بيوم.

العنوان: 3Skies Plaza – شارع التسعين –القاهرة الجديدة – أمام بوابة 2 للجامعة الأمريكية.

رقم التليفون: 01201253335.

تقدروا تعرفوا أكثر عنهم من خلال صفحة الفيسبوك من هنا.