The Definitive Guide to Living in the Capital , Cairo , Egypt

في عهد قنصوة الغوري كان فيه اهتمام بالمعمار لأنه كان بيحبه فكان البناء من أولوياته على الرغم من أن مصر في الوقت ده كانت في أزمات كبيرة وحقيقية، وبما أن بناء المدارس والمساجد من أولويات الحكام المملوكيين فكان لازم على المملوك الغوري وقت حكمه لمصر أنه يبني مسجد علشان يتقرب إلى الله رغم ظلمه للمصريين، اللي أطلقوا على المسجد اللي بناه اسم “المسجد الحرام” لبناءه عن طريق السرقة.

خلال السطور الجاية هنقول لكم على الخلفية التاريخية للمسجد وقصته الغريبة. والمسجد مكانه في أول شارع السيدة عائشة من ميدان صلاح الدين بحي الخليفة، وهو معروف أكتر باسم مسجد “الغوري”.

1- كان قنصوه الغورى، مملوك شركسي ومولاه هو السلطان قايتباي، ولد سنة 850 هـ، 1446م، وتدرج فى خدمة السلطان، وتقرب منه لحد ما أصبحا صديقين تقريبًا، وحاول علاج الأزمة المالية لخزانة الدولة المفلسة، لكن بفرض ضرائب كانت حمل كبير على الشعب المصري، اللي كان منهك أصلًا وقتها وبيعاني من أزمات كتير.

2- استمر الغوري في الحكم لحد ما تم قتله سنه922هـ، في معركة مرج دابق في مواجهة السلطان العثماني سليم الأول.

3- بتقول روايات موثوقة إن المسجد اتبنى بالمال الحرام، لأن الغوري كان رافض يدفع مليم من ماله الخاص في بناء مسجد!، وده اللي جعل الناس تطلق على مسجده اسم المسجد الحرام!

4 – علشان يتم بناء المسجد انتزع الغوري ملكية مدرسة المختص كبير السقاة واستولى عليها وعلى ابنيتها وقرر استكمال بناءها علشان تكون مسجده وحصل على المواد اللازمة لاستكمال البناء بالاستيلاء على الرخام والاخشاب والفسيفساء من العمائر الأخرى في مصر. كمان تم تسخير البنائين والحرفيين للعمل في بناءه بدون أجر.

5- تم افتتاح المسجد عام 910 هجرية، ووقتها كان احتفال صاخب والمصريين اتريقوا على بناءه في ظل ظروفهم الصعبة فأطلقوا عليه اسم “ألمسجد الحرام”.