The Definitive Guide to Living in the Capital , Cairo , Egypt

الأجازة الصيفية راحت وكتير منكم مالحقش يعمل حاجة جديدة، لكن ولا يهمكم تقدروا تعوضوها في أي وقت تحبوه، وعلشان تقدروا تخرجوا بدون ما تتعبوا في الإجابة عن سؤال “هنروح فين”، هنقولكم على 5 أماكن لخروجات أسرية هتتبسطوا فيها أنتم وكل أفراد الأسرة.

Play park –mokattam

ده المكان اللي فيه هتقدروا تشوفوا أولادكم وهما بيلعبوا حواليكم، وهو مكان مفتوح وفيه ألعاب كتير، والطفل الواحد تذكرته بـ75 جنيه شاملة بعض الألعاب، ودخول الكبار بـ10 جنيه بس، وفيه ألعاب للأطفال زي  المراكب والمراجيح و الترامبولين، والزحاليق و غيرها، وعندهم أكل وشرب كمان، وتقدروا تدخلوا أكل من بره برسم دخول 10 جنيه، ومواعيده كل يوم من 5 حتى 1 مساءً.

العنوان: شارع القدس متفرع من شارع 9 – المقطم.

رقم التليفون: 01001638888

صفحة الفيسبوك من هنا

Tiki kids

وده مكان للدحيحة اللي بتوع مذاكرة وعلوم والكلام ده، وبتنمي ذكاء الأطفال ومانعين اللعب بأي إليكترونيات مهما كانت في المكان، والأولاد بينطلقوا لألعاب بتشغل دماغهم، وكمان عندهم تراك عربيات للأطفال وعربيات خشب مربوطة ببعض بالمغناطيس، ومخصصين مكان للبنات اسمه “بيت باربي” 3 أدوار لعرايس باربي الأصلية بكل إصداراتها، وكمان هيتعلموا الـMake up بمواد خاصة بالأطفال وغير مضرة، وغيرها من الألعاب الكتير والشخصيات الكرتونية، وأسعارهم الساعة الأولى بـ 90 جنيه، والتانية بـ60 وبعد كده 50 جنيه للساعة، وشغالين من 8 صباحًا إلى 12 بالليل.

العنوان: ميدتاون مول – التسعين – أمام الجامعة الأمريكية – التجمع الخامس.

رقم التليفون : 01033000226

صفحة الفيسبوك من هنا

ISim Egypt Flight Simulator

وده مكان غريب، بتعيشوا محاكاة جوا كابينة طيارة حقيقة، وتقدروا تطيروا من أي مطار تختاروه وسط 26 ألف مطار هيظهروا قدامكم، في أي وقت ومناخ زي ما أنتم عاوزين، وكمان ممكن تتدربوا على الطيران فيها، لأنها نموذج محاكاة، يعني بتعيش نفس الأجواء بتاعة الطيران الحقيقية، وتقدروا تاخدوا طفل معاكم في كل رحلة طيران، وسعر ساعة الطيران 70 جنيه، وماتنسوش ربط الأحزمة.

العنوان: مول سيتى ستارز  – مدينة نصر.

رقم التليفون: 01065473010

صفحة الفيسبوك من هنا

Egyptian Riding School

اطلعوا بقى الرحلة دي وانبسطوا، ده مكان تقدروا تعملوا فيه سفاري، وتركبوا خيل ومتاح لكل الأعمار، ومناسب جدًا للرحلات الأسرية والمجموعات، وتقدروا تختاروا الحصان المناسب وتتدربوا عليه في تراك مخصوص وتتعرفوا على أساسيات ركوب الخيل، وعلى حسب استجابتكم للتدريب هما بيختاروا الحصان المناسب لمستواكم، وبعدها هتطلعوا على الصحراء وسط الآثار، وهتشوفوا أهرامات ممكن مسمعتوش عنها قبل كده، وتوصلوا لمكان البادية علشان تشربوا شاي وتقعدوا قعدة بدوية، وسعر الفرد شامل كل حاجة 300 جنيه، وكمان عندهم مدرسة للفروسية والـ10 حصص بـ1500 جنيه.

العنوان: مدرسة تعليم الفروسية – طريق سقارة.

 رقم التليفون: 01001044338

صفحة الفيسبوك من هنا

Park-Egypt

جمعوا فرقكم واجهزوا علشان تلعبوا PubG، وأول ما هتوصل هتلبسوا زي مخصص للألعاب، وهتروحوا على الملعب وتدوروا على السلاح والطلقات، وتبدأوا اللعب،  وفيه أنواع كتير من الأسلحة، وكل واحد له 100 طلقة، غير اللي هتلقاه في سكتك كمكافآت، واللي يسبق ويجهز يبدأ ضرب في الفريق المنافس، وماتنسوش تستخدموا “الطاسة” في صد الضربات المرتدة عليكم، والخوذة علشان تحمي راسكم، وكمان فيه مصور بيصوركم وأنتم بتلعبوا وفيه أكتر من لعبة تانية تقدروا تجربوها معاهم، وأقل عدد 8 أفراد يعني خدوا الأسرة كلها معاكم، وسعر الفرد شامل كل حاجة 250 جنيه، والجيم بيكون شغال لحد ما الطلقات تخلص ومواعيدهم من 4 العصر 12 بالليل.

العنوان: دارضباط الوقود، محور المشير طنطاوي – قبل ستاد الدفاع الجوي.

رقم التليفون: 01553333325

صفحة الفيسبوك من هنا