The Definitive Guide to Living in the Capital , Cairo , Egypt

كل فترة محتاجين نغير جو ونختار أماكن جديدة نخرج فيها، خاصة مع أفراد أسرتنا، علشان كده اخترنا لكم 4 أماكن تخرج فيهم خروجة أسرية حلوة تغير مودك.

برج القاهرة

هتشوف مصر من فوق، هتلقى الشوارع والنيل شكلهم مختلف، وتقدر تاكل أو تشرب حاجة في المطاعم والكافيهات الموجودة فيه، اللي أشهرها “المطعم الدوار”، تذكرة الدخول بـ35 جنيه، وممكن تأجر تليسكوب بـ10 جنيه، ومواعيده من 8 لحد 1 صباحًا.

العنوان: شارع برج القاهرة، خلف اتحاد الكرة – الزمالك

رقم التليفون: 0227357187

صفحة الفيسبوك هنا

حديقة الحيوان

هتقدر تستمتع مع الحيوانات وتتصور معاهم وتأكل مجموعة منهم، وتشوف بيت الزواحف وتلعب مع الفيل وتركب الكارتة وتعيش أجواء مختلفة مع الأسرة، وهي مفتوحة طوال أيام الأسبوع وبتشتغل من 9 الصبح حتى 5 مساءًا، وتذكرتها بـ5 جنيه فقط، ومسموح بدخول الأكل والشرب.

العنوان: شارع شارل ديجول – الجيزة

رقم التليفون: 0235708895

صفحة الفيسبوك هنا

السيرك القومي

هتنبهر بعروض الحيوانات المفترسة والأليفة، وهتنبسط بفقرات الساحر والخيال والأكروبات العالمية والمهرجين، غير الألعاب المختلفة للأطفال، وسعر التذكرة 50، 75، 100، 150، وعروضه بتبدأ يوميًا من 9:30 مساءًا.

العنوان: كورنيش النيل – العجوزة

رقم التليفون: 01223533768

صفحة الفيسبوك هنا

القرية الفرعونية

اتعرف على حضارة القدماء المصريين وهتزور 3 متاحف مميزة، وكمان تقدر تاخد جولة في النيل، وتتصور باللبس الفرعوني، وأسعار التذاكر مختلفة 110، 160، 210، 290، وهتكون شغالة من 9 صباحًا حتى 7 مساءًا.

العنوان: 3 شارع البحر الأعظم – الجيزة

رقم التليفون: 0235718675

صفحة الفيسبوك هنا