The Definitive Guide to Living in the Capital , Cairo , Egypt

بتوقع طلع صحيح أثارت ليلى عبد اللطيف خبيرة الأبراج جدل واسع بعد توقعها طلاق الفنان أحمد العوضي، والفنانة ياسمين عبد العزيز، وده سبب جدل بين الناس وخاصة الشباب اللي بيحبوا الأبراج، وده خلاهم يدوروا وراها عن توقعاتها علشان يشوفوا حظهم، وطبعًا ناس عندها حظ وناس هتسمعوا الآه بتاعتهم خلال 2024 وطبعًا كعادة المصريين حصل حالة جدل عن توقعاتها، وبقى فيه اهتمام كبير بيها، وخلال السطور اللي جاية هنقولكم على توقعات ليلى عبد اللطيف لكل الأبراج خلال سنة 2024.

كانت توقعات ليلى عبد اللطيف لبرج السرطان تشمل النجاح والمكسب من التجارة والتخلص من العقبات والترقية في الوظيفة وربح من شراء أرض أو عقار.

وكمان بشرت مواليد برج الأسد بتوسع في التجارة ونجاح في العمل وتوسع في المشاريع، واحتمالية تصعيد سياسي، مع وجود عقبات في التعليم.

أما مواليد برج العذراء فهيكون عندهم مشاكل عائلية وفي العمل ولكن ممكن السيطرة على المشاكل دي بالاستعانة بشخص أكبر، متوقعة أنهم هيبيعوا عقار للاستفادة من ثمنه في مشروع جديد.

وبعقبات دون أضرار كانت توقعات ليلى عبد اللطيف لبرج الميزان مضيفة أن هيكون فيه نجاح في العمل مع المديرين والمسئولين وسعي للترقية، وكمان هتجيلهم فلوس من ممتلكات أجدادهم.

ونصحت ليلى مواليد برج العقرب بالتحلي بالصبر في 2024 علشان يتجاوزوا العقبات والمشاكل اللي هتواجهم في السنة الجديدة خاصة أن المشاكل هتكون في الأعمال التجارية ومع المديرين وكمان صعوبات في التعليم، مع وجود نفس المشاكل لبرج القوس مع زيادة في المصاريف وضياع فرصة الربح.

والسنة دي مواليد برج الجدي سعداء في أنهم هيحققوا تقدم في الشغل والتجارة وتحقيق أرباح وشراء عقارات وكمان هينهوا مشاكل قديمة وهيسافروا بره.

وقدمت ليلى عبد اللطيف نصيحة لمواليد برج الدلو أن سنة 2024 صعبة عليهم ولازم يخلوا بالهم بدون توتر.

بعكس برج الحمل اللي توقعته له نجاح في العمل وحل أي عقبات مع وجود شوية تحديات هينجحوا في تخطيها.

وبسعادة توقعت أن برج الثور هيكون عنده استقرار عاطفي في 2024 سواء في الارتباط أو الحب.

وبعكس الأبراج السعيدة توقعت خبيرة الأبراج ليلى عبد اللطيف أن برج الجوزاء هيواجه عقبات كتير ومش هيعرف يأسس لعمل جديد.