The Definitive Guide to Living in the Capital , Cairo , Egypt

عشق المصريين للأكل حاجة واضحة جدًا، وقدرتهم على ابتكار أكلات مميزة كل سنة هي خير دليل! وفيه أكلات ماينفعش تبقى مميزة إلا لو المصريين عملوها بطريقتهم الخاصة، حتى لو أصلها مش مصري، وده سببه حب المصريين الحقيقي للأكل.

في الموضوع ده هنعرفكم على 5 حلويات بدأت تتواجد بقوة على سفرة كتير من المصريين في رمضان 2022، ورغم إن أسماء الحلويات دي غريبة جدًا، لكنها لذيذة بجد!

قدرة قادر

هي أكلة حلوة أصلها مش مصري، لكنها بتتعمل في مصر بطريقة مختلفة شوية، وهي عبارة عن كيكة إسفنجية من طبقتين ومعاهم كريم كراميل.

كل واشكر

هي من أنواع الحلويات الشرقية من فصيلة “البقلاوة”، والحقيقة إننا بعد ما جربناها نقدر نقول بجد إنها جامدة جدًا.

الشرقانة والغرقانة

هي من الحلويات الجديدة اللي عاملة دوشة، متوسط سعرها في المحلات المصرية 380 جنيه، وهي عبارة عن بسبوسة متغرقة قشطة وفيها طبقات كيك وفستق، وخلينا نقول إنها نسخة متطورة من “المتدلعة”.

المتدلعة

من أشهر الحلويات اللي ظهرت فجأة في مدينة طنطا، ونقدر نقول إنها حصرية هناك رغم انتشارها على مستوى الجمهورية، وهي عبارة عن كنافة وبسبوسة محشيين قشطة وبيتغطوا بالكراميل والشيكولاته والمكسرات.

زنود الست

من أشهر حلويات سوريا والعراق، وبتتكون من عجينة بقلاوة وبتتحشي مهلبية وقشطة وبتتزين بالفستق أو أي حاجة تحبوها، والحقيقة إن المصريين حطوا لمستهم الخاصة عليها وبقت بالطريقة المصرية جامدة جدًا.

يا ترى جربتم إيه من الحلويات ذات الأسماء الغريبة دي؟