مسار إجباري وبلاك تيما وحمزة نمرة وأكثر.. اعرفوا أحلى سهرات الويك إند في القاهرة
الويك إند حفلات الويك إند خروجات الويك إند فاعليات القاهرة
Mohamed Talaat
الخروج في الويك إند هو الحاجة اللي قادرة ترجعنا تاني للشغل وإحنا كويسين ومبسوطين، خاصةً بعد أسبوع عمل حافل محتاج مننا “ريستارت” علشان نقدر نكمل. والقاهرة الفترة دي فيها مجموعة من الفعاليات الفنية المميزة، يمكن أهمها هو “مهرجان القلعة” اللي هيضم نخبة كبيرة من الفنانين والفنانات.
تعالوا نتعرف على أهم الفعاليات الفنية والثقافية اللي هتشهدها القاهرة في إجازة نهاية الأسبوع علشان تختاروا منها المناسب لكم.
الخميس 15 أغسطس 2024
تقدروا تحضروا حفلة الفنانة نسمة عبد العزيز وفرقتها في مهرجان القلعة بتذكرة سعرها 60 جنيه.. التفاصيل من هنا.
وفي نفس الليلة دي هتقدروا تحضروا كمان حفل المطربة كارمن سلمان ضمن مهرجان القلعة.. التفاصيل من هنا.
أما ساقية الصاوي فهتستضيف فرقة طبلة الست علشان تستمتعوا معاهم بالفلكلور المصري الأصيل بتذاكر تبدأ من 200 جنيه.. التفاصيل من هنا.
ولو بتحبوا المسرح والسفر، يبقى بنرشح لكم مسرحية “التليفزيون” من بطولة حسن الرداد وإيمي سمير غانم على مسرح يو أرينا في العلمين الجديدة، وسعر التذكرة يبدأ من 300 جنيه.. التفاصيل من هنا.
الجمعة 16 أغسطس 2024
حفلة مميزة تانية من حفلات مهرجان القلعة، وهي سهرة فرقة الموسيقى العربية العريقة بقيادة المايسترو علاء عبد السلام وسعر التذكرة 60 جنيه.. التفاصيل من هنا.
ولو أنتم من محبي الشعر العامي يبقى ممكن تحضروا حفلة عمرو حسن في ساقية الصاوي بتذاكر يبدأ سعرها من 200 جنيه.. التفاصيل من هنا.
بلاش يفوتكم برضه في سهرة يوم الجمعة حضور حفلات فنية للمطرب حمزة نمرة والمطربة سعاد ماسي وفرقة مسار إجباري بتذكرة سعرها 550 جنيه على مسرح يو أرينا العلمين.. التفاصيل من هنا.
السبت 17 أغسطس 2024
بما أن السبت هو آخر أيام إجازة نهاية الأسبوع، وبعده بنرجع تاني للشغل، فلازم تحضروا حاجة رايقة، وبنرشح لكم سهرة فنية في حب الفنانة وردة وأغانيها المميزة في مهرجان القلعة.. التفاصيل من هنا.
المهرجان هيستضيف حفلة تانية للفنان لؤي.. التفاصيل من هنا.
ومسك الختام في الويك إند مع سهرة غنائية مميزة جدًا مع فرقة “بلاك تيما” وأغانيهم اللي بنحبها.. التفاصيل من هنا.
