The Definitive Guide to Living in the Capital , Cairo , Egypt

مترو أنفاق القاهرة بيتكون من خطوط مختلفة، وبيغطي أجزاء مهمة جدًا من العاصمة المصرية. لكن أحيانًا بنواجه صعوبة في معرفة الخط الصحيح اللي المفروض نستخدمه، وبنكون محتاجين نعرف سعر التذكرة الصح لرحلتنا، وكمان نعرف أقرب محطة مترو للمكان اللي حابين نروحه، وعلشان كل اللي فات ده وأكتر، لازم يكون على تليفونك تطبيق “مترو مصر”، اللي هيسهل انتقالك في كل خطوط المترو، والجميل إن التطبيق سهل الاستخدام لكل الناس ومنهم أصحاب الهمم.

تعالوا نتعرف أكتر على تفاصيل تطبيق مترو مصر ورابط تحميله وطريقة استخدامه.

تطبيق مترو مصر هو تطبيق بيساعد مستخدمي مترو أنفاق القاهرة ومن ضمنهم ذوي الإعاقة البصرية في الانتقال بين محطات مترو أنفاق القاهرة المختلفة في كل خطوط المترو، وده من خلال استخدام تكنولوجيا تحديد المواقع GPS في كل محطات مترو الأنفاق سواء العلوية أو اللي تحت الأرض.

ومن خلال استخدام تكنولوجيا تحديد المواقع لشبكات الهواتف المحمولة بيقوم التطبيق بتحديد المحطات ونقط التقاطع بين الخطوط داخل مسار الرحلة بناء على أقصر مسافة وأقل عدد محطات، وده بمجرد تحديد محطة البداية ومحطة الوصول، وكمان بيقوم التطبيق باحتساب عدد المحطات وسعر تذكرة المترو ولون التذكرة للرحلة الخاصة بيك.

وبينبهك التطبيق لمحطات التقاطع وتغيير الاتجاه، وبيتعرف التطبيق تلقائيًا على المحطات العلوية والسطحية والنفقية، وبيوفر التطبيق خاصية تتبع مسار الرحلة بتحديد محطة البداية ومحطة الوصول ومحطات تقاطع الخطوط ومحطات تغيير الاتجاه.

وبيوفر التطبيق الإشعارات الصوتية اللي بيتم تشغيلها أثناء مسار الرحلة وبيديك تنبيه باسم المحطة الحالية والتالية، وكمان بيدي التطبيق تنبيه في حالة محطات تغيير الاتجاه.

طريقة استخدام التطبيق

أول حاجة هتقوم بتشغيل البرنامج اللي هيحاول التعرف على محطة المترو الحالية، وفي حالة عدم تعرف البرنامج على المحطة هيطلب منك تحديدها، وبعدها هتقوم بتحديد المحطة المراد الوصول إليها، وهيقوم البرنامج برسم مسار الرحلة وإفادتك بالإشعارات الصوتية عند كل محطة وهيوضح لك التطبيق محطات التقاطع اللي ممكن تكون محتاج لتغيير الاتجاه والخط فيها، وأخيرًا هيقوم التطبيق بتنبيهك عند محطة الوصول.

لتحميل التطبيق، اضغط هنا.