The Definitive Guide to Living in the Capital , Cairo , Egypt

الصورة الرئبسية: Anna Demianenko

كلنا بنحب السفر، خصوصًا في الصيف، لكن أحيانًا بعض الظروف بتمنعنا من السفر، لكن مين قال إن الاستمتاع بالمياه وتغيير الجو مش هتحصل غير لو سافرنا؟ البديل ممكن يكون مكان واسع فيه حمام سباحة ومساحات خضراء وانبساط، علشان كده هنعرفكم في السطور الجاية على 3 أماكن في القاهرة تقضوا فيهم داي يوز بسعر معقول ومن غير ما نسيب القاهرة.

 

رماج

فندق رماج من الفنادق اللي بتقدم داي يوز بسعر 200 جنيه شامل تذكرة الدخول واستخدام حمام السباحة، وهما شغالين من 10 صباحًا حتى 5 مساءً، وعندهم داخل حمام السباحة جزء للعائلات وجزء للشباب وجزء لنزلاء الفندق وكلهم واحد والاختلاف في المنطقة فقط، وهو مناسب للأطفال والكبار، وكمان الوجبات عندهم سعرها في المعقول، ومتاح أماكن لتغيير اللبس وتأجير لوكر بـ30 جنيه طوال اليوم، وكمان عندهم سينما ومنطقة ألعاب ومكان لركوب الخيل وأكيد هتنبسطوا.

العنوان: محور المشير طنطاوي – دار ضباط الوقود – فندق وريزورت رماج.

رقم التليفون: 01212666604

تقدروا تعرفوا أكتر عنهم من هنا.

برادايس

من الأماكن المميزة اللي تقدروا تستمتعوا فيها بالداي يوز اللي بيبدأ من 10 صباحًا حتى 8 مساءً، وأيام الخميس والجمعة والسبت بيكون فيه فترتين للداي يوز، الصباحية للشباب والمسائية للعائلات، وأسعار التذاكر للكبار 100 جنيه ما عدا الجمعة بـ130 جنيه، والأطفال بـ50 جنيه ما عدا الجمعة 65 جنيه، وعندهم أنشطة مميزة ومنطقة ألعاب للأطفال بأسعار مختلفة وكمان ملعب خماسي لمحبين كرة القدم.

العنوان: نادي مصر للتأمين – محور جمال عبد الناصر – خلف مول مصر – بجوار حي الورد.

رقم التليفون: 01116959699

تقدروا تعرفوا أكتر عنهم من خلال صفحة الفيسبوك من هنا.

طيبة روز

بـ60 جنيه هتقدروا تقضوا يوم مختلف لما تروحوا فندق طيبة روز بلازا، وده رسم الدخول واللي بيشمل دخول الفندق وحديقة الحيوان المصغرة اللي عندهم، وتقدروا تستخدموا حمام السباحة واللي متنوع للكبار والأطفال بأسعار تبدأ من 100 جنيه، والميزة عندهم أنكم تقدروا تأجروا شاليه خلال فترة الداي يوز لو حابين، والاكل عندهم أسعاره في المتناول.

العنوان: محور المشير طنطاوي – التجمع الخامس – القاهرة الجديدة.

رقم التليفون: 01129909355

تقدروا تعرفوا أكتر عنهم من هنا.