The Definitive Guide to Living in the Capital , Cairo , Egypt

الصورة الرئيسية: Hugo Herrera

لو بتفكر في خروجة تجمع بين المغامرة والمرح، يبقى دريم بارك هي المكان المثالي! مش بس لأنها أقدم وأشهر مدينة ملاهي في مصر، لكن كمان علشان التجربة هناك بقت متكاملة بعد ما فتحوا حديقة حيوان جديدة جواها، يعني الخروجة دلوقتي بقيت اتنين في واحد!

دريم بارك.. مغامرات وألعاب لكل الأذواق!

في دريم بارك هتلاقي كل الألعاب اللي بتحبها، من القطار السريع والمركب المتأرجح، لحد الطيارة والمروحة وبيت الرعب! متعة لا تنتهي، خصوصًا إن عندهم تذاكر تناسب كل الميزانيات:

التذكرة السيلفر: بـ275 جنيه، وتقدر تلعب بيها كل الألعاب المجانية أكتر من مرة (ما عدا اللي برسوم إضافية).

السيلفر كومبو: زي السيلفر بس بيجي معاها وجبة.

الجولدن: بتلعب كل الألعاب المجانية بعدد لا نهائي، ومعاها تذكرتين لألعاب بـ50 جنيه، وتذكرة واحدة للعبة بـ75 جنيه.

التذكرة الفاميلي: بـ1000 جنيه لأسرة من 4 أفراد (أب، أم، وطفلين أقل من 10 سنين)، وبتشمل كل الألعاب داخل المدينة.

حديقة الحيوانات.. تجربة جديدة في دريم بارك!

الجديد في دريم بارك إنهم فتحوا حديقة حيوانات فيها تشكيلة مدهشة من الحيوانات المفترسة زي الأسود والنمور والضباع والتماسيح، وكمان الحيوانات الأليفة زي القرود والغزلان والسيسي الصغير. ده غير إنك هتقدر تأكل بجع وإوز وبط بإيدك!

والإضافة الأقوى؟ بيت الزواحف، اللي فيه أخطر أنواع التعابين، وسلاحف، وجربوع مصري، وحربايات! ولو بتحب الطيور، فيه بيت الطيور اللي هتدخل جواه وتستمتع بجو مختلف تمامًا مع الطيور الجميلة وتقدر تتصور وسطهم.

الدخول لحديقة الحيوان بيكون بتذكرة منفصلة بـ100 جنيه، والتصوير أو إطعام الحيوانات بأسعار مختلفة حسب التجربة اللي تختارها.

المواعيد:

دريم بارك شغالة من 10 صباحًا لـ7 مساءً، كل أيام الأسبوع.

يوم الجمعة المواعيد ممتدة لحد 9 بالليل.

جاهز لخروجة كلها إثارة؟ دريم بارك مستنياك!

وتقدروا تعرفوا أكتر عنهم من خلال صفحة الفيسبوك من هنا.