The Definitive Guide to Living in the Capital , Cairo , Egypt

ومين قال إن أجواء الشتاء معناها عدم الخروج من البيت؟ مع السنة اللي بتخلص بسرعة، سيب البطانية واستعد لويك إند مليان مغامرات وأجواء احتفالية. مافيش وقت أحلى من كده عشان تستمتع مع أحلى وأجمد الحفلات والأنشطة الفنية والثقافية وتختم السنة بلحظات ما تتعوضش! 

الخميس 5 ديمسبر 2024

لكل عشاق توليت، جه الوقت تورونا نفسكم! أول حفلة لتجربة موسيقية استثنائية من توليت هتكون في Zed Park يوم 5 ديسمبر. استعدوا لليلة مليانة فن وإبداع!  اعرفوا تفاصيل أكثر من هنا.

وعيشوا زمن الفن الجميل مع أغاني العندليب عبدالحليم حافظ في ليلة ساحرة. حفلة سواح يوم 5 ديسمبر في المتحف المصري الكبير هتكون مليانة حنين وألحان سحرية بصوت مدحت صالح ومي فاروق. تفاصيل أكثر هنا.

وماتفوتوش مهرجان الجبن المصري اللي موجود في حديقة الحرية بالزمالك من الخميس 5 ديسمبر لحد الأحد 8 ديسمبر، وبيتم على هامشه أول مهرجان مصري للمخبوزات والحلويات المصرية والغربية. المعرض هيضم مجموعة من منتجي الجبن والألبان والبدائل الصحية وغيرهم، والفعالية هتكون من 9 الصبح لحد 10 بالليل كل يوم. تفاصيل أكثر هنا. وهنا.

الجمعة 6 ديسمبر 2024

لكل عشاق المسرحيات: عرض هاي فايف الكوميدي هينطلق على مسرح الريحاني بوسط البلد يوم الجمعة 6 ديسمبر الساعة 8:30 مساء. التذاكر متوفرة على تيكتس مارشيه! تفاصيل أكثر هنا.

وكمان ديسكو مصر هيقدموا ليلة ديسكو استثنائية يوم 6 ديسمبر في Sass، مزيج من الكلاسيكيات والريمكسات المبهجة اللي هتخلي الليلة كلها طاقة! تفاصيل أكثر هتلاقوها هنا.

معرض مطبوعات القاهرة من كايروبوليتان مستمر لحد نهاية ديسمبر، وبيضم مجموعة من المطبوعات والأعمال الفنية اللي عملها أكتر من 180 فنان من مصر والدول العربية. المعرض متاح للزيارة في جاردن سيتي يوميًا من الساعة 12 ظهرًا لحد 9 مساء، ولحد 10 مساء في الويك إند. تفاصيل أكثر هنا.

السبت 7 ديسمبر 2024

مروان بابلو بيستعد لحفل غير تقليدي مع أوركسترا وكورال القاهرة الاحتفالي بقيادة المايسترو ناير ناجي، في ليلة هتجمع بين أغاني الرابر الشهير وألحان الأوبرا الكلاسيكية، ضمن فعاليات ريد بل سيمفونيك. الحفل هيكون يوم السبت 7 ديسمبر الساعة 8 مساء في مول مصر بأكتوبر. التذاكر متوفرة على تيكتس مارشيه! التفاصيل هنا.

عشاق الكرة عندهم موعد مهم! محمود مهدي هيعمل لايف لأول مرة يوم السبت 7 ديسمبر في تياترو أركان مع فعالية دور الـ16 الكروية. الليلة مليانة مفاجآت وضيوف مميزين! تفاصيل أكثر هنا. 

وعلشان عارفين أنك فنان من جواك، بنقترح عليك تبدأ تتعلم حاجة جديدة، علشان كدة جمعنالك 6 أماكن فنية في القاهرة هتساعدك تقضي يوم إجازة مليان تعلم وإبداع، وكمان تتواصل مع مجتمع مُلهم مليان شغف. الأماكن دي بتقدم ورش فنية متخصصة في مجالات كتيرة ممكن تكون دايمًا نفسك تجربها. جرب أي مكان فيهم واكتشف جانبك الإبداعي.

وأخيرًا..