دليل الويك إند: حفلات بهاء سلطان و”العسيلي” وأجواء الكريسماس ومعارض فنية وأكثر.. خطط خروجتك!
أركان فارمرز ماركت السادس من أكتوبر الشيخ زايد القاهرة الجديدة جاردن سيتي حفلات غنائية خروجات الجمعة خروجات الخميس خروجات السبت دليل الويك إند سقارة متحف إيمحتب معارض فنية
Cairo 360
الصورة الرئيسية: Yvette de Wit
الويك إند وصل؟ محتاج تخطط ليومين مختلفين بعيد عن ضغط الشغل والزحمة؟ خلينا نأخذك في جولة نعرف خلالها على أحلى خروجات ممكن تستمتع بيها يوم الخميس والجمعة والسبت، وتعيش أجمل اللحظات مع الأصحاب أو العيلة.
الخميس 19 ديسمبر 2024: أجواء غنائية وتجهيز للكريسماس
أمسية غنائية في الملاهي أرينا: لو بتحب الطرب والمزيكا، الخميس ده استعد لحفل غنائي هيشعل أجواء القاهرة الجديدة مع النجمين بهاء سلطان ومحمود العسيلي. الحفلة هتبدأ الساعة 8 مساءً في الملاهي أرينا. احجز تذكرتك من تيكتس مارشيه هنا. واعرف تفاصيل أكثر من هنا.
أركان فارمرز ماركت: روح الكريسماس في الشيخ زايد: لو بتجهز للكريسماس أو بتدور على هدايا مميزة، ماتفوتش زيارة أركان فارمرز ماركت في أركان بلازا، الشيخ زايد. السوق مليان منتجات مصرية متنوعة، زي منتجات العناية بالبشرة والأكل الأورجانيك. شغال لحد يوم الأحد 22 ديسمبر.
كل التفاصيل هتلاقيها هنا.
الجمعة 20 ديسمبر 2024: الفنون بين المعارض والمطبوعات
معرض مطبوعات القاهرة في جاردن سيتي: استمتع بجولة بين أعمال أكتر من 180 فنان من مصر والدول العربية في معرض مطبوعات القاهرة اللي مكمل لحد نهاية ديسمبر. تقدر تزور المعرض في جاردن سيتي يوميًا من 12 ظهرًا لحد 9 مساءً، ولحد 10 مساءً في الويك إند.
شوف التفاصيل كاملة هنا.
“نفس عميق” في قاعة ياسين للفن: لو بتحب الفن التشكيلي، ماتضيعش فرصة زيارة معرض “نفس عميق” للفنان خالد سرور في الزمالك. المعرض مستمر لحد يوم 2 يناير، وفرصة تشوف أعمال فنية مبتكرة.
اعرف أكتر من هنا.
السبت 21 ديسمبر 2024: تاريخ مصر القديمة والفن المعاصر
زيارة متحف إيمحتب في سقارة: عيش تجربة تاريخية مختلفة في متحف إيمحتب، واتعرف على أسرار العمارة الفرعونية. المتحف بيضم 286 قطعة أثرية نادرة، وبيحكي حكاية أول مهندس معماري مصري قديم.
التفاصيل الكاملة للزيارة هنا.
“معرض القاهرة للفنون” في جاليري تام: اختتم ويك إندك بزيارة معرض القاهرة للفنون في جاليري تام بالسادس من أكتوبر. المعرض بيضم أعمال فنية متنوعة وهيستمر لحد 31 يناير. متاح يوميًا من 10 صباحًا لـ 5 مساءً، ويوم السبت من 11 صباحًا لـ 6 مساءً.
المزيد من التفاصيل هنا.
