Mohamed Talaat
ويك إند سعيد عليكم، جمعنا لكم اقتراحات لخروجات مختلفة في القاهرة، هتغير المود وترجعكم فايقين وقادرين تكلموا الشغل أو الجامعة من جديد.
السبت.. الساعة 7 تقدروا تجهزوا نفسكم لحفلة ميكروفون اللي هتكون ببلاش، في درب 1718، وهتستمتعوا فيها بفرق ومغنيين وعازفين، ومنهم كمشان وفوكس.
ولو أنتم من هواة التراث، فهيكون فيه حفلة تراثية نوبية الساعة 8 على مسرح الضمة لإحياء الفن النوبي الجميل، وسعر التذكرة 50 جنيه.
ولو كنتم مش مرتاحين لده ولا ده عندكم الساعة 6 حفلة شعر مميزة للشاعر الشاب محمد الكافوري، واللي هتكون في ساقية الصاوي بتذكرة سعرها 57 جنيه.
يوم الجمعة.. استعيدوا الذكريات الجملية، لأن أوركسترا أوبرا القاهرة الساعة 8 باليل هتعيد إحياء أشهر المسرحيات الغنائية والأغاني العالمية في معهد الموسيقى العربية بتذكرة سعرها 45 جنيه.
الساعة 7 مساءً بقى هيكون معاكم ساعتين من الضحك لو حضرتم عرض ستاند أب كوميدي “كبرياء كتكوت” مع علي قنديل في ساقية الصاوي بتذكرة سعرها 97 جنيه.
وفي نفس التوقيت لكن في مركز الربع الثقافي روحوا واستمتعوا بالإنشاد الديني والترانيم الصوفية مع فرقة التواشيح وسعر التذكرة 40 جنيه.
الخميس.. الساعة 8 هتنبسطوا بعرض خداع بصري مع الساحر عمرو خالد، في درب 1718 بتذكرة سعرها 75 جنيه.
والساعة 8 هيكون ميعادكم مع غسيل الروح بحفلة أسياد الزار في مسرح الضمة بتذكرة سعرها 50 جنيه.
وروحوا انبسطوا مع فرقة مزيك وموسيقتهم المميزة في رووم آرت سبيس الساعة 9 بالليل بتذكرة سعرها 100 جنيه.
ويك إند سعيد يا أهل القاهرة!
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
