Mohammed Sabry
وصل وصل وصل، عيد الأم وصل. وكل البيت كان في حالة مباحثات سرية بقاله فترة علشان اختيار الهدية، وتفاصيلها وسلطاتها وبابا غنوجها. بس ده ما يمنعش إنك تعمل حاجة كمان جنب الهدية، زي خروجة لطيفة مثلًا. وممكن الخروجة تبقى هي الهدية. فكل واحد ياخد مامته من إيدها كده، ويخرجها في مكان أو حفلة من دول:
أنغام في مركز المنارة الدولي
النجة أنغام هتحيي حفلة عيد الأم في مركز المنارة الدولي للمؤتمرات، في القاهرة الجديدة. الحفلة هتبدأ الساعة 8 مساءً. وسعر التذكرة من 350 لـ 800 جنيه. التفاصيل من هنا.
علي الهلباوي في مولانا
مركز مولانا في وسط البلد هيحتفل برضه بعيد الأم مع الفنان علي الهلباوي. وهتكون الحفلة كلها غنا وشعر ومزيكا. هتبدأ الساعة 7 مساءً. والدخول مجانًا. التفاصيل من هنا. (تحديث: تم إلغاء حفل علي الهلباوي).
فرقة مزاهر في مكان
لو مامتك غاوية فن شعبي وفلكلور، وديها حفلة لفرقة مزاهر في مكان. الفرقة هتقدم عرض الزار والموال البلدي. الحفلة هتبدأ الساعة 8 مساءً. وسعر التذكرة: 40 جنيه. التفاصيل من هنا.
يارا عبيد في الساقية
أما لو عايز تسمعها حجاة جديدة، قاعة النهر في ساقية الصاوي، هيكون فيها حفلة ليارا عبيد وفرقتها. اللي هتقدم أول أغنية لها “عصفورة”. مع covers لأغاني تانية كتيرة. الحفلة هتبدأ الساعة 7 مساءً. وسعر التذكرة: 35 جنيه. التفاصيل من هنا.
وHappy Mother’s Day وكده.
مقترح
معالم وسياحة
برج القاهرة.. زهرة اللوتس اللي قالت "لا"
البرج برج القاهرة +4
الحياة في كايرو
