The Definitive Guide to Living in the Capital , Cairo , Egypt

بما إننا بندوَّر على خروجات في إجازة نص السنة، وطالما إحنا لسة في موسم دراسة يبقى لازم نحسبها صح علشان الميزانية ما تتأثرش، خاصة مع مصاريف المدارس والدروس. بس الحلو إنك تقدر تستمتع بفسحة لطيفة بأسعار تبدأ من 5 جنيه بس وتوصل لـ20 جنيه للفرد، فليه لأ؟! المهم تختار الصحبة المناسبة وتستعد لجولة في أجمل حدائق القاهرة علشان تعيش يوم مميز.

حدائق تذكرتها بـ5 جنيه بس

حديقة الأسماك (الزمالك):
بتدفع 5 جنيه وتدخل عالم ساحر من الطبيعة وسط تصميم فريد من عصر الخديوي إسماعيل. أقرب مترو: “صفاء حجازي” – الخط الثالث.

حديقة عابدين (وسط البلد):
جنب القصر الجمهوري في ميدان عابدين، وفيها كيدز إيريا ومطاعم وكافيهات. أقرب مترو: “محمد نجيب” – الخط الثاني.

حديقة سكة الوايلي:
مساحات خضراء واسعة، كيدز إيريا، ألعاب، ومطاعم، وكافيهات. أقرب مترو: “كوبري القبة” – الخط الأول.

منتزه الطاهرة:
قريب من قصر الطاهرة الجمهوري، وفيه عروض فنية للأطفال ومناطق لعب وتصوير. أقرب مترو: “سراي القبة” – الخط الأول.

حدائق بـ10 جنيه

حديقة نيل المعادي:
على ضفاف النيل في طرة، مثالية للتصوير وقت الغروب والاستمتاع بالألعاب والمطاعم. أقرب مترو: “كوتسيكا”.

الحديقة اليابانية (حلوان):
بـ44 تمثال ياباني وفوانيس وردي، مراكب مائية، وأشجار جميلة. أقرب مترو: “حلوان” – الخط الأول.

حدائق بـ20 جنيه

الحديقة الدولية (مدينة نصر):
حديقة حيوان مصغرة، ألعاب، ومساحات خضراء شاسعة تستحق الزيارة. أقرب مترو: “أرض المعارض” – الخط الثالث.

حديقة الحرية (الزمالك):
مساحات مفتوحة، معارض، مهرجانات، ومكان مثالي للتصوير والخروجات العائلية. أقرب مترو: “الأوبرا”.

حديقة العبور (الزمالك):
أمام حديقة الأسماك وعلى النيل مباشرة، مكان هادي وسط الخضرة والمياه. أقرب مترو: “صفاء حجازي” – الخط الثالث.

وأخيرًا..

نتمنى لكم أجازة سعيدة، وماتنسوش تراجعوا حالة الجو قبل ما تخرجوا علشان تختاروا اللبس المناسب!