تامر عاشور وريهام عبد الحكيم وأحمد سعد والحضرة وأكثر.. ويك إند بطعم الخريف في القاهرة
حفلة جديدة خروجة الويك إند ساقية الصاوي ستاند آب كوميدي فرقة الحضرة مهرجان الموسيقى العربية
Mohamed Talaat
القاهرة مدينة الخروج والانبساط، وتحت أجواء خريفية مميزة، هتحتضن العاصمة المصرية مجموعة كبيرة من الفعاليات الفنية والثقافية. فريق كايرو 360 هيرشح لكم مجموعة من أجمل الأحداث اللي هتحصل في مدينتنا المجنونة جدًا بالفن والإبداع. استمتعوا بخروجات الويك إند اللي بتبدأ من يوم الخميس وبتنتهي يوم السبت.
الخميس 17 أكتوبر
استمتعوا بحفل مميز للفنانة ريهام عبد الحكيم، ضمن فعاليات مهرجان الموسيقى العربية، على مسرح النافورة بالأوبرا، بتذاكر بتبدأ من 500 جنيه.. التفاصيل هنا.
أما فرقة مقام الموسيقية فهتكون على مسرح معهد الموسيقى العربية في حفل طربي اصيل، بتذكرة سعرها 150 جنيه.. التفاصيل هنا.
ومن الموسيقى للكوميديا تقدروا تحضروا حفل “كنافة كوميدي نايت” في ساقية الصاوي بتذاكر سعرها 200 جنيه.. التفاصيل هنا.
الجمعة 18 أكتوبر
الأناشيد والتواشيح بتغسل القلوب المرهقة، ومساء يوم الجمعة هتقدروا تستمتعوا بحفل لفرقة الحضرة في ساقية الصاوي بتذاكر بتبدأ من 200 جنيه.. التفاصيل هنا.
وعشاق الفنان أحمد حلمي عندهم طلعة للفرجة على مسرحية “ميمو” اللي بيقوم ببطولتها “حلمي” مع نخبة من النجوم، وده على مسرح جراند تاور، بتذاكر بيبدأ سعرها من 500 جنيه.. التفاصيل هنا.
والفنان تامر عاشور هيكون ضمن المشاركين بمهرجان الموسيقى العربية على مسرح النافورة بالأوبرا، في حفل مميز تذاكره بتبدأ من 1000 جنيه.. التفاصيل من هنا.
السبت 19 أكتوبر
استمتعوا بحفل مميز للفنان أحمد سعد على مسرح النافورة في دار الأوبرا المصرية، بسعر تذاكر بيبدأ من 1000 جنيه.. التفاصيل من هنا.
استمتعوا بعرض الصوت والضوء في أهرامات الجيزة للتعرف على تاريخها بأسعار بتبدأ من 1150 جنيه.. التفاصيل من هنا.
استمتعوا بالأعمال الفنية المُميزة للفنان وجيه يسي في المعرض الفردي “ضي القمر” في أوديسي آرت جاليري، والدخول مجانًا.. التفاصيل من هنا.
