النهارده في القاهرة: عرض Cinema Paradiso في مقر سينمال دال الجديد
Cairo 360
سينما دال اللي إحنا متعودين على أفلامها الجميلة، نقلت من مقرها في جاردن سيتي. واستقرت في مكانها الجديد في وسط البلد. تحديدًا في 13 شارع عبد الحميد سعيد، من طلعت حرب. الدور الثاني.
وعلشان تبقى البداية مميزة، سينما دال هتفتتح النهاردة بعرض الفيلم الإيطالي “Cinema Paradiso”. اللي يعتبر واحد من روائع السينما العالمية. وألهم العديد من صناع الفن السابع.
الفيلم بيدور عن طفل عاش في قرية صغير في صقلية، إيطاليا. وبعد ما ساب القرية وبقى مخرج سينمائي مشهور، بيرجع لها بعد 30 سنة، لما يعرف إن صديقه توفى. وهناك بيبدأ يدور على حبه القديم.
الفيلم إيطالي، إنتاج سنة 1988. وحاصل على جائزة أوسكار أحسن فيلم أجنبي.
حضور الفيلم مجاني وهيعرض الساعة 7.30 مساء. وهيكون فيه ترجمة للعربية.
عن الفيلم:
تأليف وإخراج: جوزبيه تورنتوري
نوع الفيلم: دراما
سنة الانتاج: 1988
مدة الفيلم: 173 دقيقة
البلد: ايطاليا، فرنسا
اللغة: الإيطالية
اعرفوا تفاصيل أكتر عن الفيلم من هنا.