The Definitive Guide to Living in the Capital , Cairo , Egypt

ساقية الصاوي اللي نقدر نقول أنها أصبحت المنافس الشرعي والوحيد لدار الأوبرا المصرية على لقب الصرح الفني والثقافي الأكثر نشاطًا في القاهرة هتختتم النهاردة مهرجانها للمسرح في دورته الرابعة عشر.

المهرجان اللي كان افتتح فعالياته يوم الخميس الماضي 27 أكتوبر وفضل مستمر يوميًا لحد النهارده، هيتم اختتامه بعدة عروض، يليها حفل الختام وتقييم العروض وتوزيع الجوائز.

عروض المهرجان بتبدأ في تمام السادسة مساءً، وبتستمر لحد التاسعة مساءً بواقع عرضين على الأقل في اليوم الواحد.

تفاصيل أكتر عن المهرجان والعروض تعرفوها من هنا.

النهارده هيكون في 3 عروض، الأول من 6:00 لـ 7:00 على مسرح قاعة الحكمة، والثاني من 7:00 لـ 8:00 في قاعة الكلمة، والثالث من 8:00 لـ 9:00 على مسرح قاعة الحكمة، وبعده تبدأ فعاليات حفل الختام وتوزيع الجوائز.

العروض كلها عروض شبابية لفرق مسرحية مستقلة، وده بيضمن فكر جديد وطرح قريب جدًا من هموم الشباب.

سعر تذكرة حضور عروض اليوم الواحد 15 جنيه.