النهارده في القاهرة: الأغاني بكل الألوان وكل الجنسيات
Cairo 360
بدأ أسبوع جديد، وبدأ معاه روتين شغل جديد. دايمًا مش بيخرجنا من مود الشغل والروتين، غير شوية الخروجات والفرفشة. وطبعًا دول بنلاقيهم في مكان واحد بس.. أجندة كايرو 360:
باب 18 في مصر الجديدة، هيستضيف حفلة غنائية لفريق “استبينا“. الفريق بيضم شباب من جنسيات مختلفة. بيقدموا أغاني تراثية وشعبية، من مصر والمغرب والجزائر وإسبانيا. الحفلة هتبدأ الساعة 8:30 مساءً.
فريق “ستروبيري سوينج” هيقدم حفلة غنائية، بأغاني فريق كولد بلاي في علبة ألوان. الحفلة هتبدأ الساعة 8 مساءً. وسعر التذكرة: 75 جنيه.
الشاعر “محمد الدالي والمغني محمد فوزي“، هيقدموا حفلة فنية على مسرح الربع. الحفلة هتبدأ الساعة 4 عصرًا. سعر التذكرة: 25 جنيه.
أما قاعة الحكمة في ساقية الصاوي، هيكون فيها حفلة موسيقية لفرقة “عشاق الطرب“. الحفلة هتبدأ الساعة 7:30 مساءً. وسعر التذكرة: 25 – 30 جنيه.
يومكم بيضحك.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
