The Definitive Guide to Living in the Capital , Cairo , Egypt

النهارده القاهرة فيها شوية خروجات لطيفة ولذيذة، تعالوا نعرفها مع بعض.

في ساقية الصاوي، هيكون ميعادكم مع حفلة لفريق “ماركو والأصدقاء” على مسرح الحكمة. الفريق هيقدم مجموعة من الأغاني المصرية والأجنبية القديمة. الحفلة هتبدأ الساعة 8 مساءً. وسعر التذكرة: 25 – 30 جنيه.

أوركسترا القاهرة السيمفوني، هيحيي حفلة موسيقية، على المسرح الكبير بدار الأوبرا المصرية. الحفلة هتبدأ الساعة 8 مساءً. وسعر التذكرة: 25 – 35 – 50 جنيه.

فرقة “نوستالجيا” هتقدم مسرحية (شوق الدرويش)، على مسرح الهوسابير بوسط البلد. والماخوذة عن رواية “شوق الدرويش” لحمور زيادة. وهيكون في عرض تاني بكرة. العرض هيبدأ الساعة 5 مساءً. وسعر التذكرة: 30 جنيه.

يومكم سعيد.