الحياة في كايرو
اصحى يا نايم وحد الدايم: مسحراتية بتلف شوارع المعادي
اصحى يا نايم السحور المسحراتية دلال المعادي رمضان 2018 طبلة علي فهيم مسحراتية
بواسطة
Cairo 360
الصور للفنان: علي فهيم
بملامح مصرية أصيلة، وملابس بسيطة بتشبه ملابس ملايين المصريات في مناطق ومحافظات مصر.. بتخرج يوميًا المسحراتية دلال عبد القادر، 46 سنة، علشان تصحي الناس في المعادي وتفكرهم بالسحور.
“اصحى يا نايم وحد الدايم” بتقولها الست دلال بكل قوة وثقة وبهجة. صوت بيفكرنا دايمًا أن الست المصرية عظيمة، قادرة تقتحم أي مجال وتنجح فيه وتعمله بتميز.
سكان المعادي محظوظين بصوت الست دلال وبوجودها في شوارعهم.
وأكيد.. السحور بيكون طعمه مختلف، بسبب صوتها، وطبلتها المميزة.. اللي بتفكرنا دايمًا أن “رمضان كريم”.
