The Definitive Guide to Living in the Capital , Cairo , Egypt

بقلم: الحسيني حسن، رئيس تحرير موقع اقتصاد مصر

في أوقات الأزمات الاجتماعية والاقتصادية بينتاب كتير من المستثمرين في عالمنا حالة من الذعر، بسبب الخوف على مستقبل استثماراتهم وسط تطورات الأوضاع السريعة والغير مفهومة، وده حاصل حاليًا بسبب أزمة فيروس “كورونا” المستجد.

ونفس مشاعر الخوف موجودة كمان عند الأفراد العاديين، اللي كتير منهم مش عارفين إزاي يقدروا يحافظوا على قيمة مدخراتهم في زمن “كورونا”.

وبصفة عامة، بيركز المصريين في الظروف الصعبة على ادخار أموالهم في ثلاث ملاذات بيعتبروها آمنة بشكل كبير، وهي الشهادات البنكية، والعقارات، والذهب، واللي بتتيح لهم قدر من الأمان المالي لمواجهة أي أزمات ممكن تمر بيهم.

الشهادات البنكية:

وبتعتبر شهادات الادخار ذات عائد 15% اللي بيصدرها البنك الأهلي المصري، وبنك مصر، وشهادة الادخار ذات عائد 15.25% المخصصة لكبار السن اللي بيصدرها بنك ناصر الاجتماعي، من أفضل الملاذات الادخارية المتاحة للأفراد في مصر حاليًا، بسبب انها بتتمتع بعوائد مرتفعة ومضمونة، بيحصل عليها العملاء بشكل شهري لمدة سنة، ده غير التسهيلات اللي بتوفرها البنوك حاليًا لشراء الشهادات دي من خلال قنوات الاتصال الإلكترونية، ومنها  تطبيق “واتساب” من بنك مصر.

واللجوء للادخار في الشهادات البنكية في مصر، بيعتبر أفضل السبل المتاحة، خاصة أن الجهاز المصرفي بيتمتع بقوة مالية عالية جدًا،وبيضمن للأفراد الحصول على عوائد ثابتة من غير مخاطرة تذكر، كمان بيتيح لهم صرف أموالهم في أي وقت من غير مشقة، كمان بتوفر الشهادات اللي بيصدرها البنك الأهلي وبنك مصر للعملاء الحصول على قرض بضمانها وإمكانية إصدار بطاقات ائتمانية خلال 15 يوم بس، كمان هتقدروا تستردوا قيمة الشهادة بعد مرور 6 شهور لو حابين.

العقارات:

بيعتبر الاستثمار في العقارات ثاني أفضل الملاذات الادخارية الآمنة للعملاء في مصر بعد الشهادات البنكية، وبيلجأ لها كتير من المصريين، لكن الأمر ده مش دايمًا بيكون مضمون، لإنه ممكن تتراجع قيمة العقارات في أوقات الركود أو في بعض المناطق، كمان ممكن تقابل بعض الصعوبات لحد ما تقدر تبيع العقار بعد كده خصوصًا لو اتعرضت لموقف طارئ محتاج فيه سيولة، وبالتالي ممكن تبيع بخسارة.

والحل الوحيد إنك تشتري في مكان مهم وعليه طلب كبير، زي مثلُا منطقة الشيخ زايد في مدينة 6 أكتوبر على سبيل المثال.

الذهب:

المستثمرين والأفراد العاديين بيفضلوا في أوقات الأزمات إنهم يشتروا ذهب، لكن في الوقت الراهن وفي ظل أزمة “كورونا”، الذهب مش أفضل اختيار ليك، لإنه بصفة عامة مهم تبقى عارف أن أسعار المعدن الأصفر سريعة التغيير في ظل التطورات، وممكن يحصل هبوط مفاجئ في الأسعار مع ظهور بوادر لتحسن النشاط الاقتصادي العالمي ووقتها هيتخلي المستثمرين عن الذهب كملاذ أمن، كمان أنت ممكن تواجه صعوبة نوعًا ما في بيع الذهب بنفس السعر اللي اشتريته بيه.