أماكن في القاهرة تقدر تستخرج منها بطاقتك ووثائقك الرسمية يوم الجمعة بكل سهولة!
استخراج البطاقة في المولات استخراج البطاقة يوم الجمعة استخراج وثائق رسمية بطاقة الرقم القومي شهادة ميلاد ماكينات السجل المدني مصلحة الأحوال المدنية مكاتب الأحوال المدنية
Cairo 360
مش لازم تعطل شغلك عشان تطلع بطاقتك أو أي وثيقة أحوال مدنية! دلوقتي تقدر تخلص كل ده يوم الجمعة، من غير ما تأخذ إجازة من شغلك! مصلحة الأحوال المدنية وفرت مكاتب في المولات التجارية والمقر الرئيسي في العباسية، عشان تقدر تستخرج بطاقتك، شهادة الميلاد، أو أي وثيقة تانية بسهولة في يوم عطلتك.
أماكن استخراج وثائق الأحوال المدنية يوم الجمعة
في المولات التجارية:
مول سيتي ستارز – مدينة نصر
ميناء القاهرة الجوي
مول مكسيم – التجمع الخامس
مول سيتي سنتر المعادي
مول العرب – 6 أكتوبر
المقر الرسمي:
المركز النموذجي في ديوان عام القطاع – القاهرة (من 1 ظهرًا لـ9 مساءً)
ماكينات السجل المدني الذكية
لو مش عايز تستنى موظف وتحب تخلص ورقك بنفسك، تقدر تستخدم ماكينات السجل المدني الذكية اللي شغالة 24 ساعة يوميًا، حتى في الإجازات!
أماكن الماكينات:
سيتي ستارز – جنينة مول (مدينة نصر)
كارفور المعادي – سيتي سنتر ألماظة
مكسيم مول – مول العرب – مول مصر – داندي مول (6 أكتوبر)
مول أفينيو – الرحاب
جولف سيتي مول – العبور
إير مول شيراتون – مطار القاهرة الدولي
إيه الورق اللي تقدر تطلعه من الماكينات؟
شهادة ميلاد (ليك أو لحد من الدرجة الأولى)
شهادة وفاة (لأحد أقاربك من الدرجة الأولى)
وثيقة زواج أو طلاق (ليك بس)
استمارة بطاقة الرقم القومي (عادية، مستعجلة، أو VIP)
مواعيد العمل:
المكاتب في المولات والمقر الرسمي شغالة يوم الجمعة من 1 الظهر لـ9 بالليل.
الماكينات متاحة 24 ساعة، طول الأسبوع، حتى في الإجازات الرسمية.
