أستديو أفنان: حلم فني فوق سطوح بيت في القاهرة
أستديو أفنان أفنان سمير القاهرة تعليم رسم رسم ورش فن
Cairo 360
الشغف هو اللي ممكن يخليك تنجح في الحياة وتكون شخص مميز، وببساطة تقدر تعمل اللي نفسك فيه ما دمت مؤمن بمهاراتك وقدراتك.. وده اللي عملته الفنانة أفنان سمير.. اللي عملت أستديو فني لتعليم الناس الرسم فوق سطوح بيتها في القاهرة.
أفنان اتخرجت من كلية الفنون الجميلة قسم ديكور، وبعدها قررت تحويل سطح بيتها لاستوديو لتعليم فنون الرسم، وسمت المكان ده “استوديو أفنان”.
بتقول أفنان إنها ما كنتش متوقعة أبدًا نجاح الفكرة، وإقبال الناس على مكانها الصغير، اللي اتحول مع الوقت لمدرسة لتعليم فنون الرسم، لما تدخل المكان ده هتستمتع جدًا بالرسومات على جدرانه، وكمان هتقابل ناس من سن 10 سنين ولحد خمسين سنة بيجمع بينهم كلهم عشقهم للفن.
في حوار مع صحيفة الوطن بتقول أفنان سمير، 26 سنة، “بعد تخرجى من كلية الفنون الجميلة، وحصولى على المركز الخامس، تم تعيينى فى قصر الفنون بدار الأوبرا، وبدأت أخذ دورات تدريبية فى الرسم بالزيت، خاصة أننى فى قسم الديكور التعبيرية، وما درستش الرسم بالألوان دي، ومع الوقت اكتشفت أن الشغف وحب اللي بتعمله أهم بكتير من الموهبة، ولو كنت بتمتلك 5% موهبة و95% شغف، فده كفيل بتحقيق هدفك”.
أفنان عملت معرض فني لإبداعات الناس اللي اتعلموا الرسم فوق سطوح بيتها، المعرض ده بيحمل اسم “إبداعات لونية” فى معهد جوتة.
تقدروا تتعرفوا أكتر على تجربة أستديو أفنان من صفحتهم على الفيسبوك.
مقترح
فن وثقافة
شبابيك بتطل على القاهرة.. مشروع فني لتوثيق ملامح العاصمة وقت الغروب
Frames of Cairo القاهرة +4
الحياة في كايرو
