The Definitive Guide to Living in the Capital , Cairo , Egypt

محبي شخصية “نورم” الكارتونية والمغامرات اللي بيدخلها طول الوقت، مش بس أطفال، لكن بعض الكبار كمان بيحبوا المفارقات الكوميدية اللي بتحصل له طول الوقت، وهو ده اللي لعب عليه المخرجين “ريتشارد فين” و”تيم مالتبي” مع المؤلف “ستيفن آلتيير” علشان يقدموا كوميديا تعجب الكبار والصغار وتحافظ على استمرار الشخصية في نفس الوقت.

فيلم Norm of the North 3 بيحكي عن مغامرة جديدة للدب “نورم” بيحاول فيها يستعيد قطعة أثرية صينية مهمة جدًا، لكن كالعادة بيشارك “نورم” مع مجموعة من أصدقاؤه علشان يقدر يوصل لهدفه، وسط عدد لا نهائي من المواقف الكوميدية اللي بتتفجر طول الوقت.

مفيش جديد على صعيد تصميم الشخصيات وطريقة تحريكها على الشاشة، وواضح إن صناع الفيلم اهتموا بالمشي على نفس نمط الشخصيات من حيث شكلها وتصميمها، علشان يحافظوا على المحبيين والمعجبيين بالشخصية حول العالم.

لكن القصة المرة دي بتيجي بحجم أكبر، يعني بنشوف مواقف أكتر، وتنويعات كبيرة، والميزة إن المسيطر على الفيلم مش بس الروح الكوميدية المرحة، لكن كمان فيه محاولة لتوصيل رسالة للمشاهدين على اختلاف أعمارهم وأفكارهم.