بـ5 جنيه بس.. 3 حدائق في هليوبوليس لخروجة عيد الفطر 2025
أماكن خروجات في هليوبوليس حدائق القاهرة خروجات اقتصادية خروجات العيد خروجات رخيصة عيد الفطر 2025 فسح العيد فسحة في العيد منتزهات في مصر الجديدة
Mohamed Talaat
الخروجات في الأعياد من الأساسيات اللي كلنا بنخطط لها.. هنروح فين؟ هنعمل إيه؟ ومع مين؟ وإمتى؟ وخلال أيام العيد، بنختار كل يوم مكان مختلف، وبما إن التكاليف بتكون عالية، بس ولا يهمنا، العيدية أكيد هتنفع وهننبسط! علشان كده، جِبنالكم 3 حدائق مميزة في هليوبوليس لخروجة عيد الفطر 2025 بأقل تكلفة!
غرناطة
المكان ده مميز ومعروف إنه مناسب للكبار والأطفال، كل اللي عليكم إنكم تتجمعوا، تجيبوا أكلكم وشربكم، وتروحوا تلعبوا وتنبسطوا وسط أجواء عائلية دافئة. التذكرة؟ بـ5 جنيه بس!
العنوان: شارع محمد نافع – خلف سينما روكسي.
تقدروا تعرفوا أكثر عنهم من خلال صفحة الفيسبوك من هنا.
منتزه الطاهرة
لو معاك أطفال، فده المكان المثالي، لأنه فيه كيدز إيريا وألعاب للكبار، وقعدات جميلة وسط الخضرة، غير المطاعم والكافيهات اللي بتوفر كل اللي تحتاجوه. كمان بيعملوا حفلات وعروض في المناسبات. التذكرة؟ 5 جنيه بس!
العنوان: أمام محطة مترو سراي القبة.
تقدروا تعرفوا أكثر عنهم من خلال صفحة الفيسبوك من هنا.
حديقة البازيليك
الحديقة دي مش معروفة غير لسكان المنطقة، بس لو رُحتوها، هتنبسطوا جدًا! هتقدروا تلعبوا كرة قدم، تاكلوا من أكلكم، وتقضوا اليوم كله هناك، غير إنكم هتاخدوا أحلى صور بفيو مميز. التذكرة؟ 5 جنيه بس!
العنوان: شارع الأهرام – الكوربة – أمام كنيسة البازيليك.
للأسف، ملهمش أي تواجد على السوشيال ميديا.
مقترح
تسوق
5 براندات شوكولاتة مصرية هتحلي العيد.. جودة عالية وأسعار مناسبة!
أسعار الشوكولاتة أفضل شوكولاتة مصرية +8
تسوق
5 أماكن تجيب منهم أحلى رنجة لعيد الفطر 2025!
أسماك مملحة أفضل أماكن شراء الرنجة في القاهرة +8
الحياة في كايرو
دليلك لأحلى حفلات وفعاليات عيد الفطر 2025! (محدث)
أحمد حلمي احتفالات العيد +16
كافيهات