The Definitive Guide to Living in the Capital , Cairo , Egypt

لو عربيتك محتاجة تجديد رخصة أو عاوز تطلع بدل فاقد أو تالف، مش لازم تروح المرور وتضيع وقتك! وزارة الداخلية وفرت وحدات مرور متنقلة بتقدملك الخدمات دي في أماكن محددة، وكل اللي عليك إنك تحجز وتستفيد وأنت في منطقتك.

إيه الخدمات اللي تقدر تعملها؟
– تجديد رخصة المركبة
– استخراج بدل فاقد أو تالف لرخصة القيادة
– استخراج بدل فاقد أو تالف لرخصة المركبة
– إصدار الملصق الإلكتروني
– خدمات الفحص الفني

إزاي تحجز؟
كلم الخط الساخن 15558 واحجز أقرب ميعاد يناسبك.

أماكن تواجد الوحدات المتنقلة في القاهرة
– شرق القاهرة: النادي الأهلي مدينة نصر، نادي هليوبوليس، مسجد آل رشدان، نادي الزهور، نادي وادي دجلة، نادي الشمس
– وسط القاهرة والتحرير: نادي الصيد القطامية، هيئة النيابة العامة، مسجد عمر مكرم، نادي الجزيرة، نادي المعادي
– القاهرة الجديدة: مكسيم مول التجمع الخامس
– العاصمة الإدارية: الوحدة المتنقلة هناك متاحة للخدمات

شروط الحجز
– بطاقة رقم قومي أو جواز سفر ساري
– دفع الرسوم إلكترونيا فقط
– شهادة إبراء ذمة سارية
– التوكيلات المميكنة بحد أقصى ثلاث سنوات