The Definitive Guide to Living in the Capital , Cairo , Egypt

الصورة الرئيسية: Glenn Carstens-Peters

لو فاكر إن موسم دراما رمضان كله بيخلص في أول 15 يوم، يبقى محتاج تراجع حساباتك. نجوم كتير داخلين المنافسة بمسلسلات 15 حلقة، وهي الصيغة اللي أثبتت نجاحها في السنين اللي فاتت، وفعلاً قدرت تحافظ على كثافة الأحداث والجودة العالية من غير مط وتطويل. ومع دخول النصف التاني من الشهر الكريم، هنشوف مجموعة أعمال جديدة هتبدأ من 15 مارس، تعالوا نعرف تفاصيلها وأماكن عرضها.

مسلسل نص الشعب اسمه محمد – عصام عمر

مسلسل اجتماعي بيتكلم عن الواقع المصري، وبيركز على الحكايات البسيطة اللي بتمس حياة الناس العادية.
القنوات: ام بي سي مصر
المنصات: شاهد
التأليف: محمد رجاء
الإخراج: عبدالعزيز النجار
البطولة: عصام عمر، رانيا يوسف

مسلسل حسبة عمري – روجينا

روجينا بتخوض تجربة جديدة بمسلسل حسبة عمري وبتقدم فيه دور جريء عن ست بتطلب الطلاق وبتطالب بنص ممتلكات زوجها، وده بيدخلها في صراعات كوميدية ودرامية شيقة.
القنوات: دي ام سي، سي بي سي، النهار، ارت
المنصات: واتش ات، فيو
التأليف: محمود عزت
الإخراج: مي ممدوح
البطولة: روجينا، عمرو عبدالجليل، علي الطيب

مسلسل منتهى الصلاحية – محمد فراج

دراما بوليسية بتجمع بين الغموض والتشويق، مع أداء قوي لمحمد فراج وياسمين رئيس في دورين محوريين.
القنوات: ام بي سي مصر
المنصات: شاهد
التأليف: محمد هشام عبية
الإخراج: محمد نادي
البطولة: محمد فراج، هبة مجدي، ياسمين رئيس

مسلسل الغاوي – أحمد مكي

بعد نجاحاته السابقة، أحمد مكي بيرجع بمسلسل الغاوي اللي بيقدم فيه شخصية شمس نصر العدوي، اللي بيتواجه مع عصابة إجرامية بعد خطف ابنه، في دراما أكشن مليانة مفاجآت.
القنوات: اون، واتش ات، يانجو بلاي
التأليف: طارق كاشف ومحمود زهران
الإخراج: ماندو العدل
البطولة: أحمد مكي، عائشة بن أحمد، عمرو عبدالجليل، أحمد بدير

مسلسل عايشة الدور – دنيا سمير غانم

كوميديا درامية بتقدم فيها دنيا سمير غانم شخصيتين مختلفتين، مع جرعة حلوة من الضحك والمواقف الاجتماعية المؤثرة.
القنوات: اون
المنصات: واتش ات، شاهد
التأليف: أحمد الجندي وكريم يوسف
الإخراج: أحمد الجندي
البطولة: دنيا سمير غانم، نور محمود، أميرة أديب

مسلسل ظلم المصطبة – ريهام عبدالغفور

قصة اجتماعية بتتناول صراع بين التقاليد والعصرنة في المجتمع الريفي، مع أداء مميز من إياد نصار وريهام عبدالغفور.
القنوات: دي ام سي، الحياة
التأليف: أحمد فوزي صالح
الإخراج: هاني خليفة
البطولة: إياد نصار، ريهام عبدالغفور، فتحي عبدالوهاب

مسلسل لام شمسية – أمينة خليل

مسلسل بيناقش قضايا مجتمعية مهمة زي التحرش والتعدي على الأطفال، مع حبكة درامية قوية.
القنوات: دي ام سي
المنصات: واتش ات، شاهد
التأليف: مريم نعوم
الإخراج: كريم الشناوي
البطولة: أمينة خليل، أحمد السعدني، يسرا اللوزي، محمد شاهين

مسلسل شباب امرأة – غادة عبدالرازق

واحد من الأعمال اللي بتعيد إحياء التراث السينمائي ولكن بمعالجة عصرية، مستوحى من رواية أمين يوسف غراب، وبيناقش قضايا اجتماعية قوية.
القنوات: اون، سي بي سي، النهار، ارت، روتانا دراما
التأليف: محمد سليمان عبدالمالك
الإخراج: أحمد حسن
البطولة: غادة عبدالرازق، يوسف عمر

مسلسل قهوة المحطة – أحمد غزي

مسلسل بوليسي عن جريمة قتل غامضة في محطة قطار، بأجواء درامية مشوقة.
القنوات: اون، سي بي سي
المنصات: يانجو بلاي
التأليف: عبدالرحيم كمال
الإخراج: إسلام خيري
البطولة: أحمد غزي، هالة صدقي، بيومي فؤاد، انتصار

جاهز للمسلسلات الجديدة؟

النصف التاني من رمضان داخل بقوة مع مجموعة متنوعة من الأعمال، من الأكشن والغموض للكوميديا والدراما الاجتماعية. يا ترى إيه المسلسل اللي مستني تشوفه أكتر!