The Definitive Guide to Living in the Capital , Cairo , Egypt

رنا شرف

رمضان شهر اللمة والذكريات الحلوة، وكل عزومة بتجمعنا بأهلنا وأصحابنا بتكون لحظة مميزة. ولو حابين تجربوا حاجة جديدة بعيد عن العزومات التقليدية في البيت، جربوا تخرجوا وتعزموا حبايبكم في مطعم بأجواء رمضانية جميلة. عشان كده، جبنالك 3 مطاعم هتخليك تعيش تجربة عزومة مختلفة تمامًا!

حاتي أحمد ندا

لو مزاجك في عزومة مصرية أصيلة وسفرة مليانة بط ومحاشي وممبار، حاتي أحمد ندا هو الاختيار المثالي. المطعم بيقدم صواني مشبعة بأسعار مناسبة، يعني هتلاقي الكمية تكفي العيلة واللمة، وكمان الطعم مميز جدًا، خصوصًا بعد يوم صيام طويل.

اعرفوا عنهم أكثر من حسابهم على إنستجرام هنا.

حجوجة

حجوجة من المطاعم اللي واخدة طابع الأكل البيتي الأصيل، وهتلاقي عنده كل الأكلات اللي بنحبها في رمضان زي الرقاق باللحمة، الرز المعمر، والمحاشي بأنواعها، ده غير الأجواء الريفية الجميلة اللي هتخليك تحس إنك قاعد في بيت مصري قديم وسط دفء العيلة.

اعرفوا عنهم أكثر من حسابهم على إنستجرام هنا.

بهية

عزومة على النيل؟ بهية هو المكان اللي هيجمع بين الأكل الحلو والفيو المميز. المطعم بيقدم أكلات مصرية زي البط، المشويات، والمحاشي، وكل ده وإنت قاعد في أجواء رمضانية ساحرة على ضفاف النيل، تجربة مميزة بجد لكل اللي بيحبوا يجددوا في خروجاتهم.

اعرفوا عنهم أكثر من حسابهم على إنستجرام هنا.

كل سنة وأنتم طيبين، وزي ما بتخططوا لعزوماتكم، جربوا تاخدوا العيلة أو الصحاب في مطعم مختلف السنة دي!