The Definitive Guide to Living in the Capital , Cairo , Egypt

رنا شرف

ياميش رمضان من الحاجات اللي بتكمل روح الشهر الكريم، وكل واحد بيشتري حسب إمكانياته، بس الحاجة اللي مفيش عليها خلاف هي البلح، اللي لازم يكون على سفرة كل بيت. والياميش متنوع ما بين زبيب، قراصيا، تين، قمر الدين، مكسرات وغيرها. علشان كده جمعنالك 5 من أحسن أماكن بيع الياميش في القاهرة بأسعار مختلفة، يلا بينا نشوفهم!

1. سعودي ماركت

سوبر ماركت معروف وعنده كل مستلزمات البيت، واليّاميش ليه نصيب كبير عنده. تقدر تشتري بالقطعة أو تختار كرتونة ياميش بأسعار تبدأ من 999 جنيه، وبتضم أصناف زي قمر الدين، تين، لوز، قراصيا، مشمشية وغيرهم. سعودي له فروع في الدقي، المعادي، وأماكن تانية كتير.

الموقع الرسمي

2. أبو عوف

متخصص في المكسرات والقهوة واليّاميش، وعنده عروض حلوة. تقدر تجيب بوكس تمر بأسعار تبدأ من 500 جنيه أو شنطة رمضان تبدأ من 1500 جنيه، وبتضم قمر الدين، سوبيا، مكسرات وحاجات تانية كتير.

الموقع الرسمي

3. العبد

مشهور بحلوياته، لكنه كمان عنده ياميش بأنواع وأشكال مختلفة، وكمان فانوس ياميش مليان مكسرات وبلح وحاجات حلوة، وسعره بيبدأ من 1360 جنيه.

الموقع الرسمي

4. بنده ماركت

سوبر ماركت بأسعار حلوة، وعنده تشكيلة ياميش متنوعة وبأسعار مناسبة لكل الميزانيات.

صفحة الفيسبوك

5. خير زمان ماركت

ماركت مشهور بأسعاره المناسبة، وعنده ياميش كتير بأسعار في متناول الجميع، غير إنه بيبيع كمان خضار وفاكهة وحاجات تانية كتير.

الموقع الرسمي