The Definitive Guide to Living in the Capital , Cairo , Egypt

في إيطاليا لما يحبوا يمدحوا حد طيب، يقولوا “Buono come il pane”، يعني طيب زي الخبز. وده لأن العجين في إيطاليا قصة لوحدها، خصوصًا البيتزا اللي بتميزهم في كل حتة في العالم. الحكاية دي وصلت لنا هنا في القاهرة، لما مطاعم مميزة نقلت تجربة البيتزا النابولي بأدق تفاصيلها، وبقت بتقدمها بنفس الطعم والجودة اللي بتلاقيها في شوارع إيطاليا. علشان كده، إحنا أطلقنا عليها لقب “Buono Sapore” يعني “طعمها حلو”، وقررنا نرشح لكم أفضل 3 أماكن في القاهرة بتقدم البيتزا النابولي على الحطب بمكونات مستوردة وجودة تخليك تحس إنك في قلب نابولي.

1. Mr Moussa

المطعم ده فتح أول فرع ليه في القاهرة بعد ما حقق نجاح كبير في مدينة ميلانو بإيطاليا على مدار 31 سنة. الغريب إن الشيف مصري، لكنه قدر يقدم المخبوزات والبيتزا النابولي بجودة تنافس أفضل مطاعم إيطاليا. معظم مكوناتهم مستوردة، وده سر الطعم المميز اللي بيقدموه.

• العنوان: 24 شارع 231، دجلة، المعادي.
• التليفون: 01555447544
• صفحتهم على فيسبوك: اضغط هنا

2. Kiss Pizza

رغم إنهم معتمدين على 4 أنواع بس من البيتزا، إلا إنهم بيقدموا تجربة مميزة بكل المقاييس. عندهم كمان مخبوزات، حلويات، وقهوة إيطالية هتاخدك في رحلة لذيذة لإيطاليا من غير تذكرة سفر.

• العنوان: برج بدر، طريق مصر حلوان الزراعي، المعادي.
• التليفون: 01113391500
• صفحتهم على فيسبوك: اضغط هنا

3. What the Crust

ده بجد ممكن نعتبره “عمّ المجال”! من أوائل المطاعم اللي قدمت البيتزا النابولي على أصولها في مصر، والمكونات عندهم دائمًا طازة وبجودة عالية جدًا. بجانب البيتزا، عندهم مشروبات وحلويات إيطالية تخطف قلبك.

• العنوان: شارع 275 مكرر، دجلة، المعادي.
• التليفون: 01005764631
• صفحتهم على فيسبوك: اضغط هنا

لو بتحب البيتزا النابولي، المطاعم دي هتاخدك في تجربة مختلفة، تستحق التجربة.