The Definitive Guide to Living in the Capital , Cairo , Egypt

رنا شرف

الأسماك أكلة عظيمة ولها عشاق كتير في العاصمة المرية، وعلشان كدة مطاعم الأسماك منتشرة في مدينتنا الجميلة، والأسماك أشكال وأنواع، مشوي، مقلي، صواني في الفرن، وسندوتشات كمان، والوجبات بتحلى مع الأرز. وعلشان الأسماك لها تأثير إيجابي علي الصحة، وهي نفسها أكلة صحية شهية، هنعرفكم على أحلي 3 أماكن بتعمل سمك في القاهرة، جربناهم مؤخرًا، وعجبنا أن أسعارهم معقولة.

خلونا نعرفكم على 3 مطاعم أسماك جربناهم مؤخرًا في القاهرة.. اتفضلوا معانا!

أسماك الدمياطي

من المطاعم المشهورة في منطقة مصر الجديدة، عندهم وجبات بتبدأ من 90 جنيه، عبارة عن فيليه وأرز وسلاطة وعيش, كمان عندهم سندوتشات جمبري بتبدأ من 40 جنيه، وطواجن بتبدأ من 90 جنيه. الدمياطي موجود في مصر الجديدة.

اعرفوا عنهم وعن منتجاتهم وفروعهم أكثر من هنا.

محطة سمك

تعالوا بقي علي منطقة الدقي، ومحطة سمك مسيطرة هناك بعروضها وأسعارها والكواليتي الحلوة. عندهم وجبات بتبدأ من 65 جنيه، عبارة عن أرز وجمبري وفيليه وطحينة وعيش، وسندوتش الجمبري عندهم بيبدأ من 40 جنيه. محطة سمك موجود في فيصل وفي الدقي قريب من محطة مترو البحوث.

اعرفوا عنهم وعن منتجاتهم وفروعهم أكثر من هنا.

أسماك النيل الجديد

يلا علي باب اللوق، وأسماك النيل الجديد هناك من أشهر المطاعم، وعندهم الوجبات بتبدأ من 102 جنيه لوجبة فيليه، كمان عندهم سندوتشات بتبدأ من 60 جنيه.

وبيكون عندهم عروض حلوة كل فترة.

اعرفوا عنهم وعن منتجاتهم وفروعهم أكثر من هنا.