Mohamed Talaat
لو رايحين بالعربية٬ الطريق الأحسن هو انكم تطلعوا كوبري الأزهر، وتكملموا لآخر الشارع عند جراج مستشفى الحسين الجامعي أو جراج الأزهر، وتركنوا هناك، وهتتمشوا تقريبًا 10 دقائق علشان توصلوا لمنطقة الفضة في خان الخليلي.
أما لو رايحين مواصلات فأفضل طريقة هي مترو باب الشعرية وتنزلوا تتمشوا وتدخلوا شارع النحاسين لمنطقة الفضة، أو لو حابين تركبوا عربيات فهتلقوها بكثرة في ميدان الأوبرا وميدان العتبة يادوب هتعدي بيكم وتنزلوا قدام النفق اللي هيدخلكم لمنطقة خان الخليلي.
معروف أن محلات خان الخليلي اللي بـ يديروها تجار من العيار التقيل، بيكسبوا زبون دايمًا، والبائع في المحل بيحاول بكل جهد انه يلبي طلبيك من أول ما ندخل، وعلى الرغم من أن المتعارف عليه في السوق أن العميل المصري مكسبه أقل ولكن هما بيهتموا بكم علشان يكسبوا زيارتكم تاني ومعارفكم كمان، ما التاجر الشاطر اللي بيكسب قليل بس بيبيع كتير، وخلينا نوضح حاجة مهمة وأنتوا بتتمشوا علشان تتفرجوا في المحلات وتاخدوا فكرة استمتعوا بالعمارة الاسلامية اللي قائمة عليها منطقة خان الخليلي والجمالية بشكل عام.
مصر فيها درجات مختلفة لنقاء الفضة ولكن الأكثر انتشارًا حاليا عيار 800 ومتوسط سعره حاليًا 37.45 للجرام، وعيار 880 ومتوسط سعر الجرام 41.20، و900 للعملات ومتوسط السعر 42.13 جنيه للجرام، و925 بسعر 43.31 للجرام، و999 بسعر 46.77 للجرام، وطبعًا للتأكيد أن كل الأسعار لا تشمل المصنعية ومتغيرة حسب السوق العالمي للفضة وسعر صرف الدولار.
أما أنواع االفضة المشغولة في منطقة خان الخليلي فالأغالبية منها مصري مأكسد، وده لأنها بتميز المنتج المصري والأشكال الفرعونية والقبطية والإسلامية المميزة فيه، وكمان فيه الفضة الايطالي اللامعة، والميزة أن الفضة في مصر بتصنع هاند ميد، وده بيخلي كل قطعة تشتريها مميزة عن شبيهتها في المنتجات زلكن لازم تختاروا التقفيل المميز والفنش النهائي اللي معمول بحرفية.
لما تروحوا تشتروا فضة مش لازم يكون عندكم خبرة كافية لأن الفضة رغم عراقتها كمعدن إلا أنها مش محتاجة تكونوا حريصين فيها ونسبة الغش تكاد تكون معدومة فيها، وتقدروا تطلبوا قطع مخصوص حسب الطلب باسم أو شكل وخلافه من المكان اللي هتختاروا تشتروا منه، وهما بيكون عندهم ورش وتقدروا تستلموا منتجاتكم في الأغلب اليوم الثاني، ولو فيها شغل أو محتاج جودة محددة فممكن يوصل الاستلام لبعد أسبوع.
ولو انتوا من المهووسين بجمال الفضة تقدروا تصنعوا أي حلي منها وتحطوا فيه أحجار كريمة أو شبه كريمة حسب مقدرتكم وهتلقوا هناك أنواع كتير زي “العقيق – فيروز – أكوامارين – لولي” وغيرهم، ومتنسوش أن الفضة رغم بساطته في السعر إلا أنه من أجمل وأفضل المعادن اللي ممكن تلبسوها بروقان وأشكال مختلفة وبدون تكلفة عالية، وبتشتروا فن أصيل بسعر رخيص وكل لما كانت القطعة سمبل كل لما كانت أقيم.
