“كهف” و”مطعم مظلم”.. 5 مطاعم في القاهرة هيدخلوك تجربة أكل مدهشة
أجمل مطاعم القاهرة مطاعم مميزة مطعم رومانسي مطعم فرعوني مطعم مصري
Mohamed Talaat
العاصمة المصرية معروفة باحتضانها لعدد ضخم جدًا من المطاعم، كلها بتقدم أكل على طريقتها الخاصة، لكن القاهرة كمان بتتميز أن فيها مجموعة من المطاعم المميزة اللي لها طبيعة خاصة جدًا بتخليها مش مجرد أماكن للأكل وبتميزها عن غيرها وبتخليها في مكانة تانية، يعني تعرف مثلًا أن مدينتنا المجنونة فيها مطعم مظلم تمامًا؟ علشان تتعرفوا على المطاعم دي وطبيعتها الخاصة جدًا، هنعرفكم على أغرب 5 مطاعم في القاهرة هيدخلوك في تجربة أكل مختلفة تمامًا.
خوفو
مطعم خوفو من أهم مطاعم منطقة نزلة السمان، وهتلاقوا فيه إطلالة كاملة على الأهرامات وأبو الهول، والديكور كله بيعبر عن الحضارة المصرية القديمة، وحقيقي هتحس أنك في الماضي السحيق.
تقدروا تعرفوا أكتر عنهم من خلال صفحة الفيسبوك من هنا.
المطعم المظلم
هتعيشوا تجربة ذوي الهمم من المكفوفين داخل المطعم المظلم أو Dans le Noir وده لأنكم بتاكلوا وتشربوا وتلعبوا في الظلام بمساعدة أحد المكفوفين وبتعيشوا تجربة نفسية مختلفة تمامًا.
تقدروا تعرفوا أكتر عنهم من خلال صفحة الفيسبوك من هنا.
الغرفة السرية بالقلعة
عبارة عن غرفة سرية داخل قلعة صلاح الدين علشان توصلوا لها لازم تتمشوا داخل مخابئ وأنفاق وممرات أثرية مختلفة، ولكن المطعم ده مخصص للحفلات الخاصة فقط وتقدروا تحجزوه عن طريق إدارة قلعة صلاح الدين الأيوبي.
View this post on Instagram
Esca
من أجمل المطاعم اللي حبيناها، مطعم Esca Cueva، وهو عبارة عن مطعم إنترناشيونال بيقدم أكلات بجودة مميزة والديكور بتاعه بالكامل كأنكم داخل كهف من القرون الوسطى.
وتقدروا تعرفوا أكتر عنه من خلال صفحة الفيسبوك من هنا.
Little Ocean
لو أنتم بقى من محبي الأسماك والمحيطات والبحر يبقى بنرشح لكم مطعم Little Ocean اللي بمجرد ما توصلوا له هتحسوا نفسكم داخل خليج بحري مش مجرد مطعم، وكمان ديكوراته هتديكم شعور كبير أنكم وسط المياه أو داخل صدفة من المحيط والبحر.
تقدروا تعرفوا أكتر عنهم من خلال صفحة الفيسبوك من هنا.
مقترح
فن وثقافة
طبلة الست.. فرقة غنائية بتنشر الفرح وتحيي التراث
حفلات طبلة الست حفلات غنائية في القاهرة +5
الحياة في كايرو
