دليلك لويك إند سعيد في القاهرة.. هيفاء ورمضان ورامي جمال وفعاليات أكثر
اجازة نهاية الأسبوع حفل محمد رمضان حفل هيفاء وهبي حفلات العلمين خروجات الويك إند خروجات في الاجازة خروجات في القاهرة معارض فن تشكيلي
Cairo 360
الويك إند وصل! والخروجات في القاهرة بتحلى أكثر أيام الإجازات في مدينتنا المجنونة اللي مابتنمش أبدًا، ومن بين خروجات كتير جدًا في القاهرة، هنرشح لكم أحلى وأجمد الحفلات والفعاليات الفنية والثقافية.
يوم الخميس 1 أغسطس
لو بتحب الفن التشكيلي يبقى اوعى يفوتك حضور معرض “امتزاج الأمل” في زهوة آرت جاليري بوسط البلد. المعرض هيضم أعمال مختلفة لأكثر من 30 فنان موهوب.. والدخول مجانًا.
تفاصيل أكثر هتلاقوها هنا.
فيه كمان تفاصيل فنية كتير تستحق الحضور في مهرجان الصيف الفني في أوديسي آرت جاليري. الدخول مجانًا من الساعة 10 صباحًا ولحد الساعة 9 مساءً.
تفاصيل أكثر هنا.
عشاق التاريخ المصري القديم على موعد مع حدث جميل جدًا، هتعرفوا من خلاله تاريخ الأهرامات وتاريخ آثار مهمة كتير في مصر، ودا من خلال عرض الصوت والضوء في الأهرامات.
لو حابب تعرف تفاصيل أكتر اضغط هنا.
عشاق الأغاني القديمة عندهم موعد مهم! استمتعوا بسهرة مميزة في نُوار بوسط البلد من 8 مساءً إلى 10 مساءً، هتسمعوا فيها كل الأغاني اللي بتحبوها. سعر التذكرة 100 جنيه.
تفاصيل أكتر هنا.
يوم الجمعة 2 أغسطس
استعدوا لسهرة صيفية استثنائية في لوسيدا كوست، مع النجمة هيفاء وهبي يوم 2 أغسطس! هيفاء وهبي هتغني في السهرة الفنية دي مجموعة من أجمل أغانيها.
تفاصيل أكثر هنا.
وعشاق الفن التشكيلي عندهم فرصة لحضور معرض “رؤى معاصرة” في نسخته ال 17 في المسار جاليري. الدخول مجانًا.
تفاصيل أكثر هنا.
وكمان النجم رامي جمال هيمتعنا بحفل مبهر في U Arena، العلمين الجديدة يوم 2 أغسطس! وهيقدم لنا مجموعة من أحلى أغانيه.
تفاصيل أكثر هنا.
وجمهور الفنان محمد رمضان على موعد مع حفل غنائي لنجمهم المفضل في بورتو جولف بالساحل الشمالي يوم 2 أغسطس.
تفاصيل أكثر هنا.
ولو فاتك حضور عرض يوم الخميس، تقدر تحضر يوم الجمعة 2 أغسطس عرض الصوت والضوء في الأهرامات، وتتعرفوا على تاريخ الأهرامات وتاريخ آثار مهمة كتير في مصر.
لو حابب تعرف تفاصيل أكتر اضغط هنا.
يوم السبت 3 أغسطس
سينما زاوية هتعرض فيلم “إن شاء الله ولد” للمخرج أمجد رشيد. الفيلم اتعرض في أكترمن 100 مهرجان دولي وبيحكي تجربة عن معاناة الست في الحصول على بعض حقوقها البسيطة.
تفاصيل أكثر هنا.
عرض الصوت والضوء في الأهرامات لسة مستمر معانا، ومن خلاله هتتعرفوا على تاريخ الأهرامات وتاريخ آثار مهمة كتير في مصر.
تفاصيل أكثر هنا.
ساقية الصاوي هتنظم سوق لعرض جميع المشغولات اليدوية اللي صنعها مجموعة من الشباب بكل فن.
لو حابب تشارك أو تحضر تقدر تعرف كل التفاصيل من هنا.
استمتعوا بعرض “عين جمل” واللي هيكون كله ضحك وهيقدمه عمر الجمل على مسرح تياترو أركان.
تفاصيل أكثر هنا.
بنتمنى لكم ويك إند سعيد في القاهرة!
مقترح
معالم وسياحة
قصر الأمير بشتاك.. تحفة معمارية بترقص على أنغام الطرب العربي الأصيل
بيت الغناء العربي بيوت تاريخية في مصر +3
فن وثقافة
