The Definitive Guide to Living in the Capital , Cairo , Egypt

الصورة الرئيسية: Raphaël Biscaldi

الصيف والحر دايمًا محتاجين ترطيب على الجسم بالمياه، ومش هنبالغ لو قلنا إننا بنتمنى نعيش في المياه طوال الصيف في ظل التغيرات المناخية وارتفاع درجات الحرارة، ومافيش أجمل من يوم مختلف نقضيه وإحنا بنبلبط ونلعب جوا المياه واللي هيخلينا ننبسط وننتعش ونغير الموود.

تعالوا نتعرف على 3 أكوا بارك في القاهرة سعرهم على قد الإيد علشان نحارب الصيف والحر اللي مسيطر على الجو.

علاء الدين

تعتبر من أحدث الأماكن اللي فتحت في القاهرة، وعندهم فترتين للعمل، الأولى من 10 صباحًا حتى 3 عصرًا، وسعر الفرد 200 جنيه، والثانية من 4 عصرًا حتى 9 مساءً وسعر الفرد 250 جنيه، ولو رايحين مع أولادكم كمرافق فسعر التذكرة 100 جنيه بدون استخدام الأكوا بارك وألعابها، ورغم انها صغيرة إلا أن الريفيوهات عنها بتقول أنها كويسة وهتنافس بقوة.

العنوان: نادي وفندق جويل جلوريوس – منتزه الحلميه سابقا ميدان ابن الحكم- بجوار التجنيد- حلميه الزيتون.

تقدروا تعرفوا أكتر عنهم من خلال صفحة الفيسبوك من هنا.

العبور

عندهم ألعاب كتير وهتستمتعوا بكل تفاصيل اليوم وهما عندهم التذاكر تبدأ من 300 جنيه للأطفال حتى سن 10 سنوات و340 جنيه للكبار شاملة سناكس، وفيه تذاكر تشمل الوجبات ومسموح بالسندوتشات الخارجية والمشروبات، وكمان تقدروا تأجروا شاليه داي يوز بسعر 460 جنيه للأسرة.

العنوان: طريق مصر إسماعيلية – بعد سوق العبور بـ6 كيلو.

تقدروا تعرفوا أكتر عنهم من خلال صفحة الفيسبوك من هنا.

جويل

من الأماكن المميزة الموجودة في القاهرة وبتقدم رفاهية في ألعاب هي الأعلى بين كل الأكوا بارك في القاهرة وكمان سيفتي لكل الأعمار، وبيشتغلوا من 9 صباحًا حتى 6 مساءً، وسعر التذكرة بيبدأ من 450 جنيه للفرد.

العنوان: داخل فندق جويل – زهراء مدينة نصر.

تقدروا تعرفوا أكتر عنهم من خلال صفحة الفيسبوك من هنا.