The Definitive Guide to Living in the Capital , Cairo , Egypt

الجو ده عاوز مياه ومساحات خضراء وشوية هواء علشان نقدر نقاوم ارتفاع درجات الحرارة، وعلشان الخروجات في مصر الفترة دي لا تصلح إلا في الأماكن المكيفة أو وسط الخضرة والماء، هنعرفكم إزاي تستمتعوا بخروجة فيها ماء وخضرة في مكان مميز ومختلف وهو أكاديمية Boards and Boats، هناك هتخوضوا تجربة هتساعدكم على الاستمتاع بالرياضة في حضن الماء، والمكان ده موجود داخل ماونتن فيو وميفيدا، وبيقدم تجربة الكاياك والـSUP.

يلا على التفاصيل.

أكاديمية Boards and Boats أنشأها مجموعة من الأصدقاء عندهم شغف بالتجديف والكياك وهما خبرة بسبب تدريباتهم المتخصصة وعندهم شغف حقيقي برياضة الكياك والتجديف وحب المغامرة، وبيسعوا من خلال مشروعهم أنهم يدوك فرصة تمرن الجسم بالكامل وتعيش جو من المغامرة واللياقة البدنية والتوازن والمرح، وبيقدموا برامج مختلفة ودروس مناسبة لكل الأعمار.

ومن ضمن برامجهم رحلة ركوب الكاياك بالماء وتعليم طريقة التجديف الصحيحة.

وتقدروا تحجزوا رحلة لمدة 45 دقيقة علشان تستمتعوا بمتعة ركوب الكياك وكمان تحسنوا لياقتكم البدنية، وسعر الرحلة 250 جنيه، وكمان عندهم برنامج للأطفال من سن 7 حتى 15 سنة، وفيه بيعلموا الأطفال خطوة بخطوة إزاي يتحكموا في الكاياك وتقنيات التجديف وبناء العضلات وتحسين الوضع العام للجسم، وده غير برنامج تدريب الكبار اللي اللي بيسعوا من خلاله لتحسين قدراتكم على التحمل ولياقتكم البدنية وتحسين التوازن والتنسيق وتقوية العضلات وتمارين القلب.

أما برامج SUP فهي بتكون عبارة عن جلسات تدريب التجديف الصحيح واقفين على الماء، وتقنيات التجديف الصحيحة واكتساب مهاراتها، وبيكون عبارة عن سيشن واحد فقط، وسعر الرحلة 250 جنيه.

أما برنامج SUP للمحترفين فهو مخصص للناس اللي عاوزة تشارك في مسابقات التجديف أو اللي عاوزين يكونوا متقدمين في الرياضة دي، وهما بيدربوكم على تحسين أسلوبكم وسرعتكم من خلال خطة متكاملة متخصصة بيكون أساسها زيارة قوة التحمل وتوازن الأشخاص، والقدرة على تحمل ضربات المجداف المستمرة.

وبتبدأ أسعار التدريبات المتخصصة للكاياك والـSUP من 750 جنيه لـ4 جلسات وهما موجودين في كمباوند ماونتن فيو وميفيدا القاهرة الجديدة، وممكن تتواصلوا معاهم على رقم 01030390291.

تقدروا تعرفوا أكثر عنهم من خلال صفحة الفيسبوك من هنا.