لخروجة مختلفة في العيد.. 3 مطاعم في القاهرة بتقدم أحلى أكل صحي
أفضل مطاعم الأكل الصحي أكل صحي بديل لحمة العيد وجبات عيد الأضحى
Mohamed Talaat
الصورة الرئيسية: Nadine Primeau
عيد الأضحى معروف أنه للأكل وللأسف البعض بيأكل لحمة كتير سواء ملبسة أو سمينة أو أيًا كانت قطعيتها، ونرجع في آخر العيد نقول ياريت اللي جرى ما كان، ووزننا بيزيد، لكن فيه ناس بيقدروا يقاوموا الأكل الدسم المضر وبيعوضوا ده بالأكل الصحي المفيد للجسم بعيدًا عن الأفورة، وعلشان كده هنعرفكم على 3 مطاعم أكل صحي تاكلوا عندهم في عيد الأضحى بهدف الحفاظ على صحتكم.
Be Good To You
بيقدموا أنواع كتير من الأكل الصحي بداية من العيش والسلاطة والمقبلات لحد البيتزا والأطباق الرئيسية والحلويات والعصائر، وبيهتموا جدًا بكل تفصيلة في المنتج النهائي علشان تاكلوا براحتكم بدون أي زيادة وزن أو تعب، وهما موجودين في القطامية هايتس.
تقدروا تعرفوا أكتر عنهم من خلال صفحة الفيسبوك من هنا.
Lyfe
لو بتدوروا على أسلوب حياة كله صحة وسعادة وعاوزين تبعدوا عن الأكلات المضرة والمحملة بالدهون المسممة فأكيد لازم تختاروا Lyfe اللي بيقدموا وجبات مختلفة، الأساس فيها أنها صحية وغنية بالمغذيات المفيدة والطازجة، وهما موجودين في المعادي.
تقدروا تعرفوا أكتر عنهم من خلال صفحة الفيسبوك من هنا.
Lychee
أما بقى لو بتدوروا على منتجات الألبان والبقالة والعصائر ووجبات صحية فريدة فأكيد عليكم وعلى Lychee لأنه بيقدم جودة عالية جدًا من كل المنتجات اللي هتحبوها وهتحافظوا بيها على صحتكم بدون مواد حافظة أو إضافات مضرة، وهما موجودين في المقطم ومصر الجديدة والمعادي والشيخ زايد وأكتوبر والزمالك والقاهرة الجديدة وغيرهم.
تقدروا تعرفوا أكتر عنهم من خلال صفحة الفيسبوك من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
