The Definitive Guide to Living in the Capital , Cairo , Egypt

الصورة: Hanny Naibaho

الويك إند وصل بالسلامة! وفي إجازة نهاية الأسبوع إحنا بنحب نخرج وننبسط، وعلشان ماتحتاروش كتير، هنعرفكم على مجموعة من أحلى الخروجات في الويك إند.. يلا نبدأ.

من يوم الخميس 6 يونيو هينطلق معرض “مصر إسكندرية” اللي بيحكي تاريخ المدينة العريقة في السبعينيات والثمانينيات عبر منسوجات معلقة. المعرض من تنظيم “مركز ” بالتعاون مع الحرفيين من شارع الخيامية وسيف الرشيدي، وبتستضيفه سينما راديو بوسط البلد يوميًا من 11 صباحًا إلى 9 مساءً لحد يوم الاثنين 10 يونيو. (تفاصيل أكثر هنا).

أما عشاق الباليه، فعندهم موعد مع فرقة الباليه الوطني اليوناني اللي هتحيي عرض بعنوان “الرقص مع ظلي” على المسرح الكبير بدار الأوبرا المصرية وده الساعة 8 مساء الخميس 6 يونيو، (اشتروا التذاكر من هنا)، وعرض ثاني بعنوان “عودة الصيف” الساعة 8 مساءً الجمعة 7 يوينو (اشتروا التذاكر من هنا).

لو بتحبوا المسرح فمايفوتكمش حضور عرض مسرحية “الجلسة” على مسرح ساحة روابط للفنون بوسط البلد، وده هيكون الساعة 8 مساء الخميس والجمعة والسبت، يعني كل أيام الويك إند! (اشتروا التذاكر من هنا).

أما الجميل الموسيقار عمر خيرت فعندكم موعد مع حفلته في قصر عابدين. يوم الجمعة 7 يونيو والسبت 8 يونيو. (اشتروا التذاكر من هنا)

أما عشاق المغامرات فعلى موعد مع مغامرة جديدة مع “سكي إيجيبت” اللي بينظم رالي 4×4 “تحت الصفر” على الجليد لأول مرة في الشرق الأوسط وأفريقيا. بيضم السباق أكثر من 10 فرق بتتنافس للحصول على لقب بطل رالي الجليد، وده هيكون الساعة 4 العصر يوم السبت 8 يونيو. (اشتروا التذاكر من هنا)

مايفوتكمش كمان حضور فعاليات النسخة الأولى من مهرجان “السينما الإيطالية في القاهرة” واللي هتستمر لحد يوم 9 يونيو، وهتضم عروض لأهم أفلام السينما الإيطالية الكلاسيكية والحديثة. هتقام العروض في سينما الزمالك والمعهد الثقافي الإيطالي. (شوفوا جدول الفعاليات هنا وهنا.

وكمان سينما زاوية هتستضيف فعاليات برنامج أيام القاهرة السينمائية بوسط البلد في دورته السابعة. هيعرض البرنامج مجموعة من أبرز الأفلام العربية لحد يوم 31 يوليو الجاي. (شوفوا جدول العروض من هنا).