لعشاق السعادة.. 3 أنواع شوكولاتة مصرية يستحقوا التجربة
أنواع شوكولاتة مصرية شوكولاتة منتجات شوكولاتة
Cairo 360
رنا شرف
الشوكولاتة من أسباب السعادة والبهجة على الكوكب! وطول عمرها مرتبطة بالمناسبات السعيدة. في الموضوع ده، هنعرفكم على 3 أنواع شوكولاتة في السوق المصرية يستحقوا التجربة، والجميل في الأمر أنها منتجات مصرية 100%.
ديسباسيتو
من الأنواع المميزة اللي غيرت شكل الشوكولاتة المصرية التقليدية، ديسباسيتو فيه منها أنواع مختلفة زي الدارك والدارك بالبرتقال والشوكولا البيضا وغيرها، ده غير أنها بتتميز بتغليف مميز ومبهج.
كوفرتينا
مين مش فاكر كوفرتينا على العريس؟ الإعلان الأشهر في تاريخ التلفزيون المصري زمان، واللي كان بيعتبر وقتها أشهر إعلان لشركة شوكولاتة في مصر. كوفرتينا بتقدم أنواع مميزة من الشوكولاتة زي الدارك والشوكولاتة العادية وبالزبدة وغيرها.
كورونا
كورونا هي الأفضل في السوق المصري، مش لأنها قديمة بس، كمان لأنها بتطور نفسها باستمرار وبتقدم أشكال جديدة، زي شوكولاتة الفروالة والنعناع وجوز الهند وكمان أسعارها معقولة جدًا. كورونا نديها رقم 1 وبامتياز خصوصًا الشوكولاتة الدايت والدارك. جميلة بجد!
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
