The Definitive Guide to Living in the Capital , Cairo , Egypt

بما إن الخروجات مؤخرًا بقت مكلفة حبتين، وخصوصًا لو الخروجة كانت عائلية أو فيها لمة وأصحاب، علشان كده حاولنا نجمع لكم أكثر 3 حدائق موفرة ورخيصة، تقدروا تتجمعوا فيهم مهما كان عددكم، وبتكلفة قليلة، تعالوا نتعرف عليهم:

جزيرة المعادي

أهم حاجة في المكان ده هو طلته الجميلة والمبهجة على النيل، ده غير مساحتها اللي بتوصل لـ55 فدان، وفيها كمان منطقة مخصصة لألعاب للأطفال فيها جزء مجانًا، وفيها جزء تاني بأسعار رخيصة.

حديقة الأزهر

مين ما يعرفش حديقة الأزهر، بمساحاتها الخضراء الواسعة والمميزة، ونوافير المياه المختلفة، والأماكن المخصصة لألعاب الأطفال فيها. الحديقة كمان فيها مطاعم بتطل على بحيرات صناعية، ممكن تستضيف فيها حفلات موسيقية وعروض فنية، ده غير العدد الكبير من الكافتيريات الموجودة في كل مكان في الحديقة.

ومن موقع معين جوه الحديقة ممكن تشوفوا قلعة صلاح الدين، وكمان من روعة المناظر والمساحات الخضراء الموجودة في الحديقة، في كتير من المصورين بيروحوها علشان يعملوا جلسات تصوير مختلفة.

الحديقة بتفتح يوميًا من الساعة 9 صباحًا، لحد 10 بالليل.

الحديقة اليابانية

حديقة عامة اتأسست على الطراز الآسيوي، وقدمها “ذو الفقار” باشا صاحب الحديقة ومؤسسها كهدية للسلطان “حسين”.

الحديقة ممتدة على مساحة 12 فدان، تحس وانت بتتمشى فيها إنك في عالم تاني، أو في دولة تانية.