The Definitive Guide to Living in the Capital , Cairo , Egypt

الانتظار عند الكوافير بيسبب حالة ملل كبيرة بالنسبة للسيدات، ونفس الأمر بالنسبة للرجال عند الحلاق. ودلوقتي بقى لازم تحجزوا قبلها من خلال التليفون وطبعًا كعادة متوارثة لازم تروحوا تنتظروا وأوقات الانتظار بيوصل للساعة أو ساعتين، وحاليًا مبقاش عندنا رفاهية الانتظار، وده بسبب الضغوط وعدم وجود وقت وخاصة لو إحنا مستعجلين، ومن هنا جت فكرة تطبيق Go Care اللي بيوفر حجز الكوافير للرجال والسيدات! وهو أول تطبيق يجمع بين الاثنين، وكان فيه تجارب سابقة لحجز “الحلاق” للرجال فقط، لكن التطبيق الحالي غير قواعد اللعبة.. تعالوا نتعرف على التطبيق عن قرب.

منصة Go Care بتوفر مساحة للعناية والجمال للأفراد، وبتربط الكوافير أو الحلاق بالمستخدمين، وهو بيهتم بالمستهلك وكمان مقدم الخدمة من خلال توفير عروض وامتيازات كتير، وكمان بيوفر خدمة عملاء لمساعدة مستخدمي التطبيق.

كمان تقدروا تشوفوا تعليقات وتقييمات المستخدمين لكل مكان موجود علشان تعرفوا تختاروا إيه، لأنهم بيسمحوا بالتعليقات والتقييمات، وبيتيح كمان خدمة الدفع الإلكتروني من خلال الموبايل، لزيادة السرعة والراحة، أو من خلال الدفع الكاش.

التطبيق بيحتاج تسجيل حساب جديد للاستفادة من الخدمات، وبيطلب الإسم ورقم التليفون والإيميل وتاريخ الميلاد، وبعد التسجيل لما تدخلوا على التطبيق هتكتبوا رقم التليفون بدون الصفر الأول، وبعدها بيخيركم اللغة أو البلد وحاليًا التطبيق شغال في السعودية ومصر، وبتقدروا تعملوا سيرش عن المكان اللي محتاجينه من خلال تحديد الجنس.

بعد اختيار الفئة اللي محتاجينها واللوكيشن بيعرض التطبيق عليكم أقرب الأماكن المتاحة ورغم أنه مش موجود اختيارات كتير حاليًا إلا أنهم بيسعوا لتغطية كبيرة لكل محافظات مصر وهتكون البداية بتغطية القاهرة الكبرى.

تقدروا تحملوا التطبيق لو أنتم من مستخدمي نظام iOS من هنا.

ولو أنتم من مستخدمي نظام Android تقدروا تحملوا التطبيق من هنا.

ولو عاوزين تعرفوا أكتر عنهم زوروا صفحتهم على فيسبوك من هنا.